影片
更多
2023-05-11
1309 瀏覽
終於考完試🥹🥹🥹一定要食餐好嘅慰勞一下呢段時間付出嘅努力💪🏼💪🏼💪🏼Edamame枝豆配上🧂海鹽、柚子同青海苔，係一個十分不錯嘅餐前小食😚🥬Spinach以白芝麻醬打底，中間菠菜組合成一束，上面再加上pickled mustard seeds同芝麻～店員建議可以將佢撈勻一齊食～當中芝麻香氣十分突出，菠菜亦都好嫩～係一個好開胃嘅前菜🤓🐮Waygu tataki將和牛微微煎香四邊再切片，配上日本小青椒片、tosazu同chorizo oil ，完全唔會覺得油膩，和牛好嫩滑，三種材料一齊食香氣十足！🐟Madai truffle店員首先會即場拎一舊黑松露出嚟🤣喺你面前刨碎，係一種視覺同埋嗅覺嘅享受，黑松露味真係好香～😆然後就會即刻Mix埋黑松露醬汁同鵪鶉蛋黃～ 鯛魚刺身配上 Mix好嘅醬汁、日本香菜、洋蔥和車厘茄等係一個又香又清新嘅配搭👍🏼🐟Sashimi Moriavase拖羅十分肥美，做到入口即溶嘅效果😋帶子新鮮鮮甜，而海膽則creamy重海水味~三文魚子粒粒脹卜卜，好有口感！🍣Honjokko o-toro Maki以煙燻嘅方法將香味滲入拖羅，再配上紫蘇葉、海膽、魚子醬和金箔等，層次豐富
終於考完試🥹🥹🥹一定要食餐好嘅慰勞一下呢段時間付出嘅努力💪🏼💪🏼💪🏼
Edamame
枝豆配上🧂海鹽、柚子同青海苔，係一個十分不錯嘅餐前小食😚
🥬Spinach
以白芝麻醬打底，中間菠菜組合成一束，上面再加上pickled mustard seeds同芝麻～店員建議可以將佢撈勻一齊食～當中芝麻香氣十分突出，菠菜亦都好嫩～係一個好開胃嘅前菜🤓
🐮Waygu tataki
將和牛微微煎香四邊再切片，配上日本小青椒片、tosazu同chorizo oil ，完全唔會覺得油膩，和牛好嫩滑，三種材料一齊食香氣十足！
🐟Madai truffle
店員首先會即場拎一舊黑松露出嚟🤣喺你面前刨碎，係一種視覺同埋嗅覺嘅享受，黑松露味真係好香～😆然後就會即刻Mix埋黑松露醬汁同鵪鶉蛋黃～ 鯛魚刺身配上 Mix好嘅醬汁、日本香菜、洋蔥和車厘茄等係一個又香又清新嘅配搭👍🏼
🐟Sashimi Moriavase
拖羅十分肥美，做到入口即溶嘅效果😋帶子新鮮鮮甜，而海膽則creamy重海水味~三文魚子粒粒脹卜卜，好有口感！
🍣Honjokko o-toro Maki
以煙燻嘅方法將香味滲入拖羅，再配上紫蘇葉、海膽、魚子醬和金箔等，層次豐富～而且店員開蓋果一下啲煙湧上嚟真係好有視覺效果😳
🥗Mizuna Salad
以柚子醬汁、柚子肉同炸紅蔥拌水菜，好適合一路食主菜一路食，可以refresh一下🥰
🐟Chilean Sea Bass
魚油嘅油香豐富，魚肉用煙燻嘅方法處理，帶煙熏香味之餘魚肉亦好嫩，店員介紹一定要配旁邊嘅薑一齊食，佢嘅薑好爽脆，而且一啲都唔辣，果然可以減低魚油嘅飽濟感，令到菜式整體更加平衡～
🐷Robata pork belly
豬腩肉用串燒嘅方式串起，肉質好鬆軟，入口即化～配上蜜糖柚子醬同醃製蘿蔔，一啲都唔覺得油膩😋😋
🍮Black Sesame Creme Brülée
底層以芝麻Brülée作基底，下面似芝麻糊咁滑上面有一層薄脆，中層係香甜嘅🫘紅豆配上🍨海鹽焦糖雪糕，海鹽焦糖雪糕有少少鹹味，更加突出紅豆嘅甜味和芝麻嘅香氣，到咗最上層係芝麻薄脆，令整體芝麻嘅味道更加突出和更加有層次🆙🆙🆙
🍹Co-Matchy
濃郁嘅熱情果果香，估唔到配上綠茶、椰子水、檸檬汁同梳打會有咁清新嘅效果😍
🍹Okira
十分清新嘅櫻花荔枝香氣，加入檸檬汁同梳打，入口會比Co-Matchy更加清雅🥰
環境：4.7/5
環境超靚，好適合打卡😆所有座位都係梳化位，坐得好舒服☺️而且燈光柔和，好適合傾偈。鍾意睇廚師即場製作食物嘅朋友都可以坐吧枱～
服務：5/5
員工服務態度💯你會feel到佢哋係好親切，而且每一個員工都面帶笑容，真係做到賓至如歸嘅感覺～聽到佢同另一枱嘅客人講welcome back😆
食物：4.7/5
食物水準高而且食材新鮮💕dishes係分階段上~如果你食到有啲太飽，可以隔一陣再上👍🏼而且呢度都比較多創意料理，十分推介慶祝嘅日子黎💕💕
Revisit: Yes
張貼
