影片
更多
2024-09-27
190 瀏覽
今時今日2百幾蚊竟然仲有二人晚市套餐，仲要有半隻海南雞半隻雞、兩碗肉骨茶湯、仲要有埋小食同油飯，可以選擇雞湯或飲品，喺港島區嚟計真係超值！二人海南雞餐包咗半隻海南雞、兩份肉骨茶，你仲可以選擇揀油飯定白飯，沙嗲串燒可以揀淨雞或淨豬四串，飲品嗰度我哋揀咗碗杞子雞湯同凍話梅柑桔水，特飲要加多$4，飲落去酸酸甜甜，勁開胃！半隻海南雞份量足夠，每一啖都軟滑，連埋雞皮食，簡直無敵咁正，連配料醬汁都好夾。肉骨茶嘅藥材味比較重，但係真係足料到見到勁多杞子同紅棗，絕對冇揸流攤，另外仲會俾埋醬汁同油炸鬼俾你送埋一齊食！沙嗲串燒嘅肉比較細串，肉質較乾，沙嗲醬偏油，呢個小食我覺得就可以啦，一般般。但係整體嚟講成個套餐真係幾抵食，二百幾蚊約埋朋友過嚟靜靜地仲有卡位坐，真係幾唔錯！
今時今日2百幾蚊竟然仲有二人晚市套餐，仲要有半隻海南雞半隻雞、兩碗肉骨茶湯、仲要有埋小食同油飯，可以選擇雞湯或飲品，喺港島區嚟計真係超值！
二人海南雞餐包咗半隻海南雞、兩份肉骨茶，你仲可以選擇揀油飯定白飯，沙嗲串燒可以揀淨雞或淨豬四串，飲品嗰度我哋揀咗碗杞子雞湯同凍話梅柑桔水，特飲要加多$4，飲落去酸酸甜甜，勁開胃！半隻海南雞份量足夠，每一啖都軟滑，連埋雞皮食，簡直無敵咁正，連配料醬汁都好夾。
肉骨茶嘅藥材味比較重，但係真係足料到見到勁多杞子同紅棗，絕對冇揸流攤，另外仲會俾埋醬汁同油炸鬼俾你送埋一齊食！
沙嗲串燒嘅肉比較細串，肉質較乾，沙嗲醬偏油，呢個小食我覺得就可以啦，一般般。
但係整體嚟講成個套餐真係幾抵食，二百幾蚊約埋朋友過嚟靜靜地仲有卡位坐，真係幾唔錯！
張貼
