十大碗粥麵專家

營業中

休息中

本身見到個招牌，興趣感不大，以為又係一間好普通嘅粉面店，不過見到好多人排隊，而且門口都有一箱箱嘅食材，望真啲原來係大地魚及一些好似蝦乾的材料。見到門口招牌，雲吞麵係佢地主打菜之一，所以我哋都叫了一碗。湯底好鮮甜，個麵好爽口冇鹼水味，雲吞大粒鮮蝦夠爽口。南乳豬手撈麵豬手好林，好好味，面冇經過湯底浸過，顯得更加彈牙。蜆芥鯪魚球呢個超好味，好有鯪魚味，又夠熱，下次我會叫個大。炸兩個皮好薄，晶瑩通透，油炸鬼夠脆口。今次好有驚喜，冇諗過一間貌似平凡嘅麵店，可以有咁出色嘅食物，原來只要用心經營，就算平凡嘅食物都可以做到大放異彩。