影片
更多
2018-12-16
1044 瀏覽
※本文以用餐當日的環境、服務和食物質素為準，口味亦因人而異，文章只作參考之用。-本地品牌十字牌鮮奶相信對於香港人黎講絕不陌生，佢地係香港都開左幾間茶餐廳-十字冰室，以招牌牛奶黎炒滑蛋和沖泡奶茶等，冰室都開左年幾兩年，小妹而家先第一次去食。冰室環境帶少少懷舊感得黎又帶點摩登，不過怕影到客人所以拍照都為有低調一點，拍的環境照不多。餐牌上的選擇還不少，除了一些茶餐廳常有的食物外，也有一些較特別的小食，如籠仔椒鹽燒賣、黑松露黃金蝦、松露蛋黃醬炸薯條和三色炸鮮奶等。晚市都有供應數款套餐和鐵板餐，款式不少。濃滑奶茶 $18招牌既奶茶，用上十字牌鮮奶沖泡，奶味和茶味平衡得宜，質感可再滑少少，唔需要落糖都唔覺得澀，味道可以。午餐肉牛奶炒滑蛋三文治 $24知道呢度既炒蛋出名，所以一心決定黎食返個香港地道蛋治，再要埋雙併餐肉烘底。餐蛋治夠厚身，用了十字牌鮮奶的炒蛋厚厚一層，賣相唔錯啊！炒蛋炒得頗滑，食落仍帶點蛋汁不乾，不過奶味比蛋味較重，但都係唔錯的，如果餐肉可以再煎香少少就更正。花生醬奶豬仔包 $20黎到茶餐廳忍唔住叫左個豬仔包食，粗粒花生醬加上煉奶真係無得輸，最重要係豬仔包咬落唔會乾到刮咀，好食！皇牌
-
本地品牌十字牌鮮奶相信對於香港人黎講絕不陌生，佢地係香港都開左幾間茶餐廳-十字冰室，以招牌牛奶黎炒滑蛋和沖泡奶茶等，冰室都開左年幾兩年，小妹而家先第一次去食。
冰室環境帶少少懷舊感得黎又帶點摩登，不過怕影到客人所以拍照都為有低調一點，拍的環境照不多。
餐牌上的選擇還不少，除了一些茶餐廳常有的食物外，也有一些較特別的小食，如籠仔椒鹽燒賣、黑松露黃金蝦、松露蛋黃醬炸薯條和三色炸鮮奶等。
晚市都有供應數款套餐和鐵板餐，款式不少。
濃滑奶茶 $18
招牌既奶茶，用上十字牌鮮奶沖泡，奶味和茶味平衡得宜，質感可再滑少少，唔需要落糖都唔覺得澀，味道可以。
午餐肉牛奶炒滑蛋三文治 $24
知道呢度既炒蛋出名，所以一心決定黎食返個香港地道蛋治，再要埋雙併餐肉烘底。餐蛋治夠厚身，用了十字牌鮮奶的炒蛋厚厚一層，賣相唔錯啊！炒蛋炒得頗滑，食落仍帶點蛋汁不乾，不過奶味比蛋味較重，但都係唔錯的，如果餐肉可以再煎香少少就更正。
花生醬奶豬仔包 $20
黎到茶餐廳忍唔住叫左個豬仔包食，粗粒花生醬加上煉奶真係無得輸，最重要係豬仔包咬落唔會乾到刮咀，好食！
皇牌餐 $62
包括香濃蕃茄牛尾湯通粉、黑松露炒蛋及牛油多士 （跟咖啡或茶）
佢地既蕃茄牛尾湯非常足料，蕃茄湯底係屬於較濃稠個隻，茄味濃郁，食完都唔會口渴，而且牛尾既份量不少，讓小妹甚為驚喜；黑松露炒蛋既黑松露味很重，可惜蛋味不夠突出，質感可再炒滑一點。
黑松露黃金蝦 $56
一籠有四件，蝦肉食落爽口，炸皮薄但唔夠脆，而且油左少少，味道唔算太突出，普通。
三色炸鮮奶 $32
呢款甜品係用返十字牌推出既不同味道既牛奶再拎去炸，有牛奶、蜜瓜奶同士多啤梨口味，炸粉不厚薄薄一層，甜甜的感覺幾得意。
張貼
