新鮮圍煮

營業中

休息中

約朋友齊齊黃埔逛街，然後食晚飯，之前已經想試《新鮮圍煮》，今日終於有機會，聽聞佢嘅花膠雞濃湯底好正。【金裝套餐】開胃小食-酒糟鴨舌~ 醃得夠入味。加拿大象拔蚌刺身拼盤~ 象拔蚌、帶子、北寄貝、大蝦，每樣都好新鮮尤其是象拔蚌，脆脆爽口。花膠濃雞湯~店員即席剪開花膠及靚雞，雞湯勁濃，加湯嘅時候都係加返雞湯，嫩滑雞件，正！時令海鮮~海蝦夠鮮甜。手切本地肥牛~好新鮮，夠肥美，香濃牛肉味。四寶丸拼~鮮蝦丸、鮮墨丸、芝士鮮牛丸、貢丸，各有特式，蝦丸非常彈牙，牛丸肉汁多。火鍋六寶拼~牛骨髓好軟滑、豬肝夠爽彈、蜂巢冰豆腐索滿湯汁、響鈴熱辣辣即叫即炸、午餐肉都是即炸好香口、魚腐。淮山麵質感夠爽，掛滿湯汁，特別美味。仲有一盤新鮮蔬菜。這裡午市有各款濃雞湯米線，追加小食價錢都好相宜。