船渦

營業中

休息中

同朋友嗌左「水師提督同埋八府巡按套餐」，真係海鮮控至愛！龍蝦半隻夠晒彈牙，蒜蓉蒸完鮮味更濃；鮑魚淋滑入味，一啖咬落去超滿足。蟹腳啖啖肉，點少少檸檬汁更加鮮甜，帶子簡單用蔥花同醬油吊味已經好正。 最驚喜係佢嘅貝類 白蜆爆汁鮮甜，蟶子皇爽脆厚肉，北寄貝同元貝各有風味，蒸完仲keep到海水嘅原始鮮味。最後一定要試埋個粥底，吸收晒成鍋海鮮精華，甜到入心。 海鮮全部新鮮生猛，服務又貼心，鍾意食原汁原味嘅朋友絕對值得試！