田記魚蛋牛腩專門店 (碧街)

營業中

休息中

放工陪同事去油麻地交收完，正想要搵地方食嘢，同事話附近有間田記魚蛋牛腩專門店，出名好食，不如去試吓！店內地方不大，但都整潔乾淨。招牌魚旦河：魚蛋爽彈軟腍，魚味濃而不腥。魚片厚切大片，彈牙爽口。河粉滑溜軟腍。湯夠熱，湯頭帶點甜。魚片頭麵：採用新鮮魚肉打成嘅魚條，魚條再經油炸至金黃，外層厚皮香口，內裡肉質彈性結實，而炸魚條的兩端就是魚片頭，外層厚皮部份比切片魚片更多，口感更加彈牙甘香！幼麵亦好彈牙。鳳城水餃幼麵，湯底清清地 ，水餃皮薄餡飽滿，有蝦有肉有木耳等，食落爽滑，每啖都有不同口感。加17蚊油菜，菜心林甜，加埋蠔油嘅鮮味，好味！飲品有優惠，惠顧主食加8蚊有凍飲，凍檸茶夠濃、豆漿少甜健康。