WAKE UP BISTRO

營業中

休息中

由魚市場活化成寵物友善嘅café，由門面到室內環境都別有一番風味，重有戶外座位可以同主子一齊用餐，氣氛好chill 😌🥢松露安格斯和牛漢堡配三色薯條個包烘得外脆內軟，有濃濃嘅牛油香；和牛漢堡一咬落去就有肉汁流出嚟，加埋流心太陽蛋同松露醬，惹味juicy；三色薯條分別係薯仔、番薯同紫薯，炸得好好食，唔使點茄醬都好夠味。🥢法式寶雲酥焗羊架叫咗七成熟，焗得粉粉地啱啱好，肉質軟腍，唔會好膻；另外想讚讚伴碟嘅蔬菜，食落特別爽口，睇返個meun寫住部分蔬菜係來自蔬菜統營處，真係食得出嘅新鮮。🥢香蕉朱古力窩夫香蕉上面嘅焦糖又香又脆，熱焫焫嘅窩夫唔會太甜，同凍冰冰嘅雪糕一齊食，當然好食。🥢椰子雪芭個賣相又幾得意，椰味香濃，上面嘅忌廉同柚子肉係神來之筆，令味道更豐富有層次。🥢是日餐湯今日嘅餐湯係番茄忌廉湯，酸酸地幾醒胃。🥢Mocha朱古力同咖啡比例恰當，相當香滑。