鬼金棒牛骨辣麻拉麵 (已結業)

好耐都冇去過食東京過江龍拉麵，剛剛經過尖沙咀亞士厘道，俾我發現到鬼金棒的姊妹店，主打香濃牛骨湯底！之前喜歡刺激食麻辣味湯底，見到今次有牛骨拉麵，都忍唔住想試一下。店長推介香濃牛骨湯底，牛骨湯頭用上多達40kg的牛腿骨熬煮，原味完全不麻辣，食每一啖都是滋味。除個人喜好可以自選「麻」度「辣」度，嗜辣不能錯過。辣麻牛骨拉麵辣麻牛骨拉麵（中辣，小麻），牛筋辣麻牛骨拉麵的湯底精華，完全滲入拉麵，充滿牛油香。選了中辣小麻，好惹味！牛叉燒重牛味。特別追加了牛筋，配料很有誠意，牛筋味道煮得好入味，口感軟滑香甜。增量牛叉燒辣麻牛骨拉麵增量牛叉燒辣麻牛骨拉麵（小辣，小麻）增量份量相對多，大大片薄切A4和牛，牛味濃，口感溶化，肥瘦均勻。拉麵麵條比一般幼細，有驚喜的是掛湯力很強，口感非常彈牙。小辣小麻連湯汁都飲晒。味玉再配鬼金棒招牌糖心蛋，回味無窮。白飯跟返日本傳統，追加了白米飯，連湯底都撈埋，泡飯夠惹味。下次有機會再嚟試吓辣麻牛骨沾麵，或者月見安格斯牛肉丼 都好似好好味。