影片
更多
2024-05-21
35 瀏覽
放假心血來潮想食吓鐵板燒，就搵到呢間三日月鋪面好大，淨係鐵板前嘅座位都有十幾個，坐得舒服我哋叫咗一個「澳洲龍蝦‧美國Prime肉眼薄燒9道菜午市套餐」（$498一位）先有「前菜三小點」，分別有醃蒜頭、日本豆腐同煙燻雞肉，蒜頭味道濃郁，好醒胃；日本豆腐質地較實淨，點咗啲味噌醬，幾香口，而煙燻雞肉有種食緊煙三文魚嘅感覺，同樣咁新鮮滑口之後就食咗個「沙律」，今日係用柚子醬調味，酸酸甜甜，特別鍾意佢有啲細細粒嘅枝豆，令個沙律更有口感跟住就到今日嘅主角——澳洲龍蝦，睇住佢極新鮮咁係面前燒，加埋師傅嘅功架，真係睇見都已經流口水，十分喜歡佢呢款龍蝦蝦肉大嚿厚實之餘，鮮味仲非常突出，唔需要點調味已經好正，加埋用蝦膏煮成嘅醬汁，加咗啲鹹味，鮮甜嘅口味就更加明顯，真係啖啖肉，絕不欺場之後就有一客「茶碗蒸」，雞蛋熱辣辣，再加咗一層類似鮑魚汁咁嘅Sauce，令個蒸蛋更加滑溜，再加上少少魚子吊一吊味，係幾好食嘅跟住就係另一味主菜——美國Prime肉眼薄燒卷，我哋叫咗五成熟，已經十分足夠，牛肉味道唔算太濃，但咀嚼之間仍然好食到板燒牛肉嘅油脂香，而卷住嘅牛油金菇就更香口，整體個卷會比較Juicy濕潤一啲，而蘸醬有柚
鋪面好大，淨係鐵板前嘅座位都有十幾個，坐得舒服
我哋叫咗一個「澳洲龍蝦‧美國Prime肉眼薄燒9道菜午市套餐」（$498一位）先有「前菜三小點」，分別有醃蒜頭、日本豆腐同煙燻雞肉，
蒜頭味道濃郁，好醒胃；日本豆腐質地較實淨，點咗啲味噌醬，幾香口，而煙燻雞肉有種食緊煙三文魚嘅感覺，同樣咁新鮮滑口
之後就食咗個「沙律」，今日係用柚子醬調味，酸酸甜甜，
特別鍾意佢有啲細細粒嘅枝豆，令個沙律更有口感
跟住就到今日嘅主角——澳洲龍蝦，
睇住佢極新鮮咁係面前燒，加埋師傅嘅功架，真係睇見都已經流口水，十分喜歡佢呢款龍蝦蝦肉大嚿厚實之餘，鮮味仲非常突出，
唔需要點調味已經好正，加埋用蝦膏煮成嘅醬汁，加咗啲鹹味，鮮甜嘅口味就更加明顯，真係啖啖肉，絕不欺場
之後就有一客「茶碗蒸」，
雞蛋熱辣辣，再加咗一層類似鮑魚汁咁嘅Sauce，令個蒸蛋更加滑溜，再加上少少魚子吊一吊味，係幾好食嘅
跟住就係另一味主菜——美國Prime肉眼薄燒卷，
我哋叫咗五成熟，已經十分足夠，牛肉味道唔算太濃，但咀嚼之間仍然好食到板燒牛肉嘅油脂香，
而卷住嘅牛油金菇就更香口，整體個卷會比較Juicy濕潤一啲，
而蘸醬有柚子豉油、味噌醬等等，有不同選擇，而我覺得就咁食都唔錯！又或者可以夾住炸蒜嚟食，又有另一種風味。
側邊就係另一味菜——鐵板燒日本野菜，
擺埋一齊，可以平衡返牛肉嘅膩，咁多種蔬菜入面，
我最鍾意係入口即溶，又甜甜哋嘅日本南瓜，當然大蔥果啲都幾好！
跟住已經飽飽哋時，就嚟咗呢客「鐵板炒飯」，
入面有櫻花蝦、銀魚仔等等，加埋梅子醬，個炒飯味道好濃郁，又好鮮香！
食到一半，仲可以加埋鰹魚湯同山葵，搖身一變做茶漬飯，即刻變得好香甜，兩種食法各有擅場。
最後，龍蝦一啲都無浪費，煮埋做「龍蝦味噌湯」，
味噌湯本身都已經可以暖暖胃，做成餐飯嘅總結，加埋淡淡嘅龍蝦味，就更加香口。
今日嘅甜品係紅豆大福，甜入心，食埋甜品就真係好飽好滿足喇！
張貼
