Odelice! (The ONE)

係THE ONE買完野順便係度食埋飯先走。🐌法國香草蝸牛 薯糰丸子🥔好香濃嘅香草味，醬味主要由牛油🧈、蒜頭🧄、香草🌿同其他調味料製成，蝸牛鮮甜、口感彈牙。薯糰丸子口感綿密、柔軟、帶有薯仔嘅香氣同麵粉嘅口感，可以點埋青醬一齊食。🦞馬賽籠蝦海鮮鍋🦑(半隻龍蝦🦞，黑青口，大蜆，盲曹魚🐟，魷魚🦑)係海鮮大集會，超級豐富！龍蝦，黑青口，大蜆鮮甜肥美，肉質彈牙。盲曹魚煎到塊皮酥脆香口。醬汁好香蕃茄味，酸酸甜甜好開胃。仲有兩塊麵包可以點埋啲汁一齊食，超級滿足！🐥油封鴨髀🍗法國油封鴨髀先係醃製過，然後油炸到金黃色，香氣撲鼻、口感豐富，外皮酥脆可口而且肉質柔軟，肥而不膩。配上薯糰丸子同椰菜做伴碟，足夠飽肚。🍐啤梨杏仁撻🥧啤梨杏仁撻嘅口感清新、鬆軟、帶有杏仁和啤梨嘅香氣，不過冇杏仁常見嘅藥味，甜度適中。煮過嘅啤梨同呢個撻嘅口感好夾。喺撻餅上灑上脆卜卜嘅杏仁碎，口感更加豐富。