龍亭

慶祝結婚周年同去咗食鐵板燒，餐廳位於一個轉角位，門口幾神秘，坐吧枱可欣賞到師傅手藝，食物高質素，好多細節位配搭得幾好👍🏻，幾適合慶祝的地方。💫廚師發板套餐 七道菜💫🔶招牌沙律： 煙三文魚沙律清新開胃，個龍珠果好畫龍點睛👍🏻🔶前菜：日本蘭王蛋白松露醬配魚子醬呢個配搭味道好特別，好似食緊豆腐花咁，蘭王蛋汁超香濃。🔶鐵板海鮮 兩品🔹鮑魚 + 東星斑鮑魚好彈牙，配搭蒜蓉醬食好夾。 東星斑肉質嫩滑，蝶豆花海鹽做嘅泡泡🫧醬可以自由配搭。🔹白鱔 + 虎蝦第一次食鐵板燒白鱔，外皮好香脆，無骨又唔會有泥味，非常好食。虎蝦好大隻，蝦肉結實爽彈，點埋蝦膏做嘅醬汁食落更香。🔶鐵板肉類 - 澳洲牛柳粒牛柳肉質好鬆軟，沾上竹炭鹽食/ 配炸蒜片食都好正👍🏻🔶菊花豆腐白麵豉湯很考刀功的菊花豆腐，白麵豉湯香濃又唔會太鹹，有唔少嘅絲滑豆腐、海帶。🔶黑松露海鮮炒飯好鍾意食鐵板燒睇師傅炒飯，一路睇住聞到好香。黑松露味香濃，大蝦配魚籽提升鮮味，炒飯粒粒分明食落好香。🔶是日甜品🔹益力多雪糕🔹檸檬雪芭食埋甜品更圓滿，味道清新，仲有個爆珠裡面係紅豆。🔶麒麟一番搾啤酒🍻慶祝咁開心當然要飲返杯，口感清爽帶有麥味香，配搭鐵板燒料理很合適。