影片
更多
2023-10-18
39 瀏覽
收工後特別攰，需要美食嘅安慰🥺今晚約咗朋友豬去港島搵食！呢間位於灣仔同銅鑼灣中間嘅多國菜餐,環境係昏暗、有情調，好啱生日，週年日嚟慶祝🎉 佢哋仲有一層係天台花園座位比你選擇。 餐廳位於30樓 遠望可以觀賞到跑馬地馬場😂😂 可以一邊鋸扒一邊睇馬🐎🐎晚上9點後仲會有live band 帶比人心靈上舒暢，呢個時候最啱拎住香檳🍾️飲一啖陶醉於chill環境，可惜聽日繼續要投入社畜生活無得飲😞廢話少講，集中食嘢先🤪前菜先上法包，比你咬吓醫吓肚先經典蟹肉龍蝦湯$98超濃郁龍蝦湯，仲有蟹肉，提升個鮮味仲有口感法式蠔湯配香蔥牛油麵包粒$88日式忌廉蠔湯🫧第一啖以為自己食緊成隻蠔，湯頭超足料，完全唔腥，湯係有蠔粒同麵包粒，口感好豐富，好特別👍🏻BBQ Party Set C$298當中有粟米鬚，燒雞肉，燒生蠔，燒蕃薯仔，燒茄子。旁邊有蒜蓉辣椒，泰式青辣椒酸醬，沙嗲汁任你配搭。 上到枱食物係全熟而且熱辣辣，大讚燒雞肉燒到有汁🤘🏻唔係乾柴雞配上青椒酸醬好味好夾，好開胃🤤 生蠔肥嘟嘟加配中量蒜一流呀頂，重口味之選。 蕃薯仔又係好甜好食 個人覺得額外比嘅蒜蓉辣椒有啲多餘，因為食材都係好重蒜好入味，唔洗再額外加
收工後特別攰，需要美食嘅安慰🥺今晚約咗朋友豬去港島搵食！呢間位於灣仔同銅鑼灣中間嘅多國菜餐,環境係昏暗、有情調，好啱生日，週年日嚟慶祝🎉 佢哋仲有一層係天台花園座位比你選擇。 餐廳位於30樓 遠望可以觀賞到跑馬地馬場😂😂 可以一邊鋸扒一邊睇馬🐎🐎
晚上9點後仲會有live band 帶比人心靈上舒暢，呢個時候最啱拎住香檳🍾️飲一啖陶醉於chill環境，可惜聽日繼續要投入社畜生活無得飲😞
廢話少講，集中食嘢先🤪
前菜先上法包，比你咬吓醫吓肚先
經典蟹肉龍蝦湯$98
超濃郁龍蝦湯，仲有蟹肉，提升個鮮味仲有口感
法式蠔湯配香蔥牛油麵包粒$88
日式忌廉蠔湯🫧第一啖以為自己食緊成隻蠔，湯頭超足料，完全唔腥，湯係有蠔粒同麵包粒，口感好豐富，好特別👍🏻
BBQ Party Set C$298
當中有粟米鬚，燒雞肉，燒生蠔，燒蕃薯仔，燒茄子。旁邊有蒜蓉辣椒，泰式青辣椒酸醬，沙嗲汁任你配搭。 上到枱食物係全熟而且熱辣辣，大讚燒雞肉燒到有汁🤘🏻唔係乾柴雞配上青椒酸醬好味好夾，好開胃🤤 生蠔肥嘟嘟加配中量蒜一流呀頂，重口味之選。 蕃薯仔又係好甜好食 個人覺得額外比嘅蒜蓉辣椒有啲多餘，因為食材都係好重蒜好入味，唔洗再額外加。而沙嗲醬偏甜無乜花生味 麻麻太甜嘅醬料
香辣蜆意粉伴香酒汁$168
好多蜆呀，睇相以為好少😅應該都有十多隻 隻隻蜆都肥好味，不過意粉略嫌唔夠味，所以叫咗職員比枝tabacso,落幾滴立即提升個鮮味同惹味道👅 重口味人士食法
慢煮西班牙豬鞍紅酒香草汁$198
有啲薯角，菜花配搭。呢個重頭戲呢，食到我拍晒手。首先舊豬鞍都大舊又厚身，其次點解豬肉都可以做到咁滑，易切易入口，唔講以為自己食緊牛🤭滑係第一點，第二點係啖啖肉汁好juicy,加埋紅酒汁好好味呀，差啲想奶乾淨隻碟😹😹 價錢又抵！嚟到一定要食🤟🏻🤟🏻🤟🏻🤟🏻
整體：餐廳服務員好親切，見到我水杯無水 瘋狂過嚟幫我加水👍🏻食物質素算中上，豬鞍、蠔湯真心有驚喜，有下次😽😽😽
張貼
