影片
更多
2017-10-01
983 瀏覽
好朋友有offer !!為左慶祝，今次我地兩pair 情侶就黎左觀塘食私房菜。離地鐵站5-10分鐘路程。餐廳地點雖然冇咁方便，但總算是臥虎藏龍，當晚雖然係閒日，但都好多人，仲有唔少情侶靜靜地食添！好彩我地卜左位😌我地叫左個四位用既套餐 麻辣鹵水拼盆(例) 哇！牛肚、豬腸好入味！豬腸爽口，兩者鹹甜適中、滷水味好香😋😋青瓜雞絲微辣，令人開下胃！砂鍋什菌龍躉骨湯 食完頭盤之後就有湯飲喇, 好大鍋的龍躉骨湯, 奶白色既湯配上芫茜, 好香好清甜, 仲有好多魚肉食tim! 湯入面仲有好多菇菌, 有益又好食, 湯本身已加左少少胡椒粉, 味道剛剛好, 四個人飲好夠, 每人可以再飲多碗 菊子魚，東星斑12兩，養魚 成晚最特別的餸菜一定係呢款菊子魚, 賣相已經好吸引,用足12兩既東星斑整成好似菊花既炸魚, 好靚好精緻, 好考大廚既刀功. 魚肉好嫩滑, 外脆內軟, 上面有柚子醬, 好配合炸魚既味道, 平時去酒店先食到既食物今晚可以試到, 感動!蒜蓉粉絲蒸蟶子皇4只 呢個套餐包蟶子，仲要好大隻，絕對值回票價😝😝😝岩哂我呢個海鮮怪😋😌😌蟶子洗得乾淨，肥美鮮甜！啖啖肉好正😋😋😋配上蒜蓉粉絲，更加惹味。可以食多隻就
離地鐵站5-10分鐘路程。
餐廳地點雖然冇咁方便，但總算是臥虎藏龍，當晚雖然係閒日，但都好多人，仲有唔少情侶靜靜地食添！好彩我地卜左位😌
我地叫左個四位用既套餐
麻辣鹵水拼盆(例)
哇！牛肚、豬腸好入味！豬腸爽口，兩者鹹甜適中、滷水味好香😋😋
青瓜雞絲微辣，令人開下胃！
砂鍋什菌龍躉骨湯
食完頭盤之後就有湯飲喇, 好大鍋的龍躉骨湯, 奶白色既湯配上芫
茜, 好香好清甜, 仲有好多魚肉食tim! 湯入面仲有好多菇菌, 有益又好食, 湯本身已加左少少胡椒粉, 味道剛剛好, 四個人飲好夠, 每人可以再飲多碗
菊子魚，東星斑12兩，養魚
成晚最特別的餸菜一定係呢款菊子魚, 賣相已經好吸引,用足12兩既東星斑整成好似菊花既炸魚, 好靚好精緻, 好考大廚既刀功. 魚肉好嫩滑, 外脆內軟, 上面有柚子醬, 好配合炸魚既味道, 平時去酒店先食到既食物今晚可以試到, 感動!
蒜蓉粉絲蒸蟶子皇4只
呢個套餐包蟶子，仲要好大隻，
絕對值回票價😝😝😝岩哂我呢個海鮮怪😋😌😌
蟶子洗得乾淨，肥美鮮甜！啖啖肉好正😋😋😋
配上蒜蓉粉絲，更加惹味。
可以食多隻就好Xd
金絲翡翠鳳尾蝦4只
海蝦鮮甜彈牙，配上清甜節瓜，是清新之作，食到一半過渡一下都幾好！
士多啤梨骨
炸皮厚薄剛好，選位好有心思，豬肋骨半肥瘦，油脂好香～一路食都lam lam 脷，送飯一流！
金華玉樹雞半只
呢款係金華火腿配半隻雞, 金華火腿本身唔會太咸, 夠香又軟身, 配合雞黎食味道幾夾
蟹油銀芽炒麵
豉油炒麵食得多,蟹油炒麵就係第一次食, 加埋芝麻同銀芽香蔥, 好香口, 又唔會太油
碧綠炒花枝片
花枝炒得爽甜，唔會太老；火喉岩岩好～時蔬清甜翠綠，幾有水準
甜品
臨未仲有甜品食！芒果布甸好香甜幼滑，細細杯份量岩岩好～唔會太膩！
總結覺得餐廳既食材都幾新鮮，環境冇酒樓咁嘈又可以人少少食中菜，多個選擇😋
張貼
