影片
更多
2021-03-20
1323 瀏覽
灣仔新派泰國菜 𝐑𝐔𝐀𝐌以半露天用餐區為主，佈滿綠色植物，估唔到鬧市之中都會有富熱帶風情既餐廳。環境相當悠閒舒適 ~ℍ𝕒𝕡𝕡𝕪 𝕙𝕠𝕦𝕣 時段仲有買一送一！同朋友飲返兩杯，即刻無晒煩惱⠀▪️柚子蝦沙律 $158柚子蝦沙律真係超多柚子！柚子juicy，當果香遇上蝦醬，香口清甜唔太鹹。蝦肉彈牙，當中更加有花生碎，令口感更豐富。唯獨偶有幾粒柚子偏苦澀。▪️紅咖哩荔枝燴鴨脾 $198紅咖喱香甜帶椰奶香。調味啱啱好，唔會太鹹。荔枝味就唔太食到，可能佢嘅作用只係令成個咖哩更加香甜？鴨肉質地完全唔柴，亦經調味帶鹹香。▪️泰式虎蝦炒金邊粉 $165好鍾意呢碟金邊粉既質地。金邊粉雖然炒得比較濕，但麵條依然煙韌有彈性，唔會太淋或者碎濕濕。放耐左金邊粉會變得乾身，麵條質地依然有彈性。虎蝦蝦肉彈牙，金邊粉甜甜酸酸帶蛋香，拌匀旁邊既花生碎同辣椒粉，食落更加香口惹味~ ▪️泰北咖哩雞金麵 $148咖哩湯底甜甜地，相當濃稠。蛋麵掛汁力強，輕易索晒香濃既湯汁。雞肉肉質軟腍，略嫌調味偏淡。特別鍾意面層經油炸既麵條，香脆既口感，令金麵既層次更為豐富。▪️香蕉烤餅配椰子雪糕 $88烤餅雖然淋滿醫汁，但意外到keep到脆身唔油膩。每
以半露天用餐區為主，佈滿綠色植物，估唔到鬧市之中都會有富熱帶風情既餐廳。環境相當悠閒舒適 ~
ℍ𝕒𝕡𝕡𝕪 𝕙𝕠𝕦𝕣 時段仲有買一送一！同朋友飲返兩杯，即刻無晒煩惱
⠀
▪️柚子蝦沙律 $158
柚子蝦沙律真係超多柚子！柚子juicy，當果香遇上蝦醬，香口清甜唔太鹹。蝦肉彈牙，當中更加有花生碎，令口感更豐富。唯獨偶有幾粒柚子偏苦澀。
▪️紅咖哩荔枝燴鴨脾 $198
紅咖喱香甜帶椰奶香。調味啱啱好，唔會太鹹。荔枝味就唔太食到，可能佢嘅作用只係令成個咖哩更加香甜？鴨肉質地完全唔柴，亦經調味帶鹹香。
▪️泰式虎蝦炒金邊粉 $165
好鍾意呢碟金邊粉既質地。
金邊粉雖然炒得比較濕，但麵條依然煙韌有彈性，唔會太淋或者碎濕濕。放耐左金邊粉會變得乾身，麵條質地依然有彈性。虎蝦蝦肉彈牙，金邊粉甜甜酸酸帶蛋香，拌匀旁邊既花生碎同辣椒粉，食落更加香口惹味~
▪️泰北咖哩雞金麵 $148
咖哩湯底甜甜地，相當濃稠。蛋麵掛汁力強，輕易索晒香濃既湯汁。雞肉肉質軟腍，略嫌調味偏淡。特別鍾意面層經油炸既麵條，香脆既口感，令金麵既層次更為豐富。
▪️香蕉烤餅配椰子雪糕 $88
烤餅雖然淋滿醫汁，但意外到keep到脆身唔油膩。每塊香蕉都有超吸引既焦糖脆面，配上帶鹹味既烤餅，甜甜鹹鹹，甜膩感比想像中嚟得低。不過焦點都係落係旁邊既雪糕，超香椰子味，配搭烤餅一齊食，冷熱交融！
One night In Bangkok $98
當芒果遇上橙汁，竟然會飲到菠蘿味。cocktail亦帶青檸香，相當有熱帶風情。杯邊佈有spicy香料，夾埋一齊飲又幾特別喎。旁邊附有偏酸既番石榴，食完再飲，可以突岀到cocktail既香甜。我就幾鍾意呢杯帶香料辣味既cocktail。不過真心好睇人，唔係個個啱。整體而言，泰國菜有水準，半露天環境夠晒chill，好啱夜晚嚟飲返兩杯。不過餐廳定價就較高，人均差唔多四百蚊到~
張貼
