Espresso Alchemy (海港城港威商場)

營業中

休息中

長假期無得去旅行，唯有在香港relax一下，食返個西式午餐，當自己去左外國咁。呢個位於海港城地下嘅espresso alchemy，旺中帶靜，可以靜靜地歎一下，吹下水。揀左個細細卡位，自成一角，又唔會太嘈。先來一個輕食青醬烤雞三文治, 一邊食一邊傾計. 雞肉好嫩, 蕃茄好fresh，面包烘得外脆內軟，越食越肚餓‧。雖然呢度既咖啡好出名，但怕飲左咖啡後會變成夜更看更，所以都係叫左杯Earl Grey Choclolate 同埋Honey Earl Grey Latte。估唔到除左咖啡以外，其他飲品都沖得好正。伯爵茶的香, 奶的滑, 蜜糖的甜配搭得恰到好處。越食越肚餓, 結果再叫多份虎蝦蘆荀辣番茄汁意粉同埋牛肉漢堡。意粉少少酸少少辣好惹味, 好開胃。牛肉漢堡好juicy。在呢個恬靜既環境, 享受左咁好美味既食物, 跟久未見面既朋友促膝長談, 為沉悶的抗疫生活帶來一點樂趣。