九鬼居酒屋 (耀華街)

營業中

休息中

嗰日喺銅鑼灣行街，行到攰就周圍搵嘢食，好耐冇食過日本野，見有間裝修唔錯嘅居酒屋就入咗去。居酒屋佈置精美，仲有好多唔同嘅酒，店員熱情推介各種新鮮空運到港嘅食材，我哋最後點左原條鰻魚壽司、火炙左口魚邊壽司、廣島蠔、吞拿魚海膽飯以及鰹魚湯烏冬。原條鰻魚壽司鰻魚汁係餐廳特別調製，鰻魚肉質非常好，而且比想像中大，飯亦係人手做嘅，夠實唔會散。火炙左口魚邊壽司左口魚邊火炙得恰到好處，唔會太過焦身，切得厚薄適中，容易入口。廣島蠔廣島蠔係日本空運到港，入口仍然帶住海水味，非常新鮮肥美。吞拿魚海膽飯吞拿魚同海膽舖滿成個飯表面，比想像中多，食落好新鮮，令人食指大動。鰹魚湯烏冬湯底有濃厚鰹魚味，烏冬係手打嘅，非常滑身，而且煮嘅時間控制得好，入口仲係彈牙嘅。餐廳食物用心製作，而且店員同客人打成一片，非常有人情味，有日本居酒屋嘅感覺。