影片
更多
2023-09-20
47 瀏覽
💡高cp值韓式燒肉德福廣場二期平時都比較少去，通常都去一期多，今次見到有間韓燒店係網上評分都唔錯，就去試試佢啦。 店員安服務態度良好，坐低無耐就幫我地上左前菜，有泡菜，酸蘿蔔，沙律菜，1亦都加芝士粟米同埋泡菜蛋漿係爐邊，沙律菜以外既前菜都係無限添加，建議可以配上燒肉解膩。🍽大牛骨🐂上檯時已經預先切好一粒粒牛肉粒，幾款肉入面肉味最濃郁，基本上唔需要點醬汁已經好好味，肉味濃同埋肉質好嫩，必食推介。🍽濟州豪快黑毛豬五花肉🐖一見到啲油花咁豐腴就開心，當五花肉片放係燒烤爐上既時侯，立即傳來令人愉悅的油脂爐燒聲音。肉片開始慢慢變得微焦微脆，鎖住了肉汁，每一啖都充滿住濃郁的香氣。🍽月見牛肩肉🐂上菜時牛肩肉已經切成薄片，可能係怕我地掌握唔好個火候燒燶，店員主動提出幫我地燒，我地當然答好啦，只見店員好快就將肉片燒好，加上月見汁真係絕配。🍽人蔘雞湯配白飯🐓嫩滑的雞肉，經過長時間的燉煮，肉質鮮嫩多汁，同埋係原隻雞，好足料。飲兩啖人蔘感覺好滋補，送埋飯岩岩好。🍽大八爪魚🦑原隻大大隻八爪魚， 睇得出經過精心的醃製，經過爐燒之後仲保持到八爪魚既鮮甜味，一咬落去，好彈牙，而裏面既肉質保持著柔軟滑嫩，真係令人愛不釋手
德福廣場二期平時都比較少去，通常都去一期多，今次見到有間韓燒店係網上評分都唔錯，就去試試佢啦。
店員安服務態度良好，坐低無耐就幫我地上左前菜，有泡菜，酸蘿蔔，沙律菜，1亦都加芝士粟米同埋泡菜蛋漿係爐邊，沙律菜以外既前菜都係無限添加，建議可以配上燒肉解膩。
🍽大牛骨🐂
上檯時已經預先切好一粒粒牛肉粒，幾款肉入面肉味最濃郁，基本上唔需要點醬汁已經好好味，肉味濃同埋肉質好嫩，必食推介。
🍽濟州豪快黑毛豬五花肉🐖
一見到啲油花咁豐腴就開心，當五花肉片放係燒烤爐上既時侯，立即傳來令人愉悅的油脂爐燒聲音。肉片開始慢慢變得微焦微脆，鎖住了肉汁，每一啖都充滿住濃郁的香氣。
🍽月見牛肩肉🐂
上菜時牛肩肉已經切成薄片，可能係怕我地掌握唔好個火候燒燶，店員主動提出幫我地燒，我地當然答好啦，只見店員好快就將肉片燒好，加上月見汁真係絕配。
🍽人蔘雞湯配白飯🐓
嫩滑的雞肉，經過長時間的燉煮，肉質鮮嫩多汁，同埋係原隻雞，好足料。飲兩啖人蔘感覺好滋補，送埋飯岩岩好。
🍽大八爪魚🦑
原隻大大隻八爪魚， 睇得出經過精心的醃製，經過爐燒之後仲保持到八爪魚既鮮甜味，一咬落去，好彈牙，而裏面既肉質保持著柔軟滑嫩，真係令人愛不釋手。
🍽朱古力棉花糖 🍫
甜品控必叫!棉花糖的柔軟和朱古力的滑順融合在一起，令人難以抗拒。當棉花糖燒到外層焦脆既時侯，夾係朱古力餅中既時侯，溫度令朱古力開始融化，每一啖都充滿住驚喜，同埋唔會過於甜膩。
🍸馬格利生米酒
食燒肉又點可以無酒呢? 今次就點左款米酒試下，米酒微微甜，甜度平衡感十分出色，即使係平時比較少飲米酒既我都能夠覺得好味。
張貼
