花晨月夕

花晨月夕⭐️ 先付前菜有三道，赤莓煮蓮藕煮得好爽脆，醬汁微微酸甜，食落清新又開胃。櫻花啫喱就入口滑溜，帶有微微花香。⭐️刺身真鯛魚魚肉細膩，師傅加上少少魚子醬去突顯魚本身嘅鮮甜。粒貝爽口彈牙，簡簡單單用玫瑰岩鹽調味已經好足夠。小長井華蓮生蠔肉質飽滿，入口帶有海水鮮甜味，仲有少少奶油感添。北海道毛蟹肉質都細嫩，配上海膽同紫菜一齊食令人覺得幾滿足。最後嘅炙烤鰤魚油脂好充足，煙燻過嘅香氣令味道層次變得豐富。⭐️御料理熟食係真鯛蒸糯米，糯米蒸得幾軟糯，吸收晒真鯛魚嘅鮮味，每食一啖都感受到濃郁魚香。好有日本農家菜feel，係一道幾有特色嘅料理。⭐️壽司壽司有幾款印象都比較深刻，首先係右口魚燒魚邊配魚身薄切，燒過嘅魚邊幾焦香，魚身薄切保持住右口魚本身嘅鮮味，兩者配合得幾好。地蛤肉質爽口，個人係第二次食。聽師傅話地蛤係貝類嘅一種，食落口感同味道都比一般嘅貝類更加突出。其他比較常見嘅炙燒金目鯛同大拖羅水準都唔錯，如果鍾意食內臟嘅朋友就唔好錯過佢嘅鮟康魚肝配西瓜漬la, 不過我自己就唔係一個內臟lover。⭐️甜品最後嘅甜品係日本哈密瓜同提子，哈密瓜勁鮮甜，每一啖咬落去都有滿滿嘅水果汁，為我嘅Easter hol