龍亭

同朋友慶祝生日梗係要食好D,之前食過龍亭既Omakase覺得超級好食，就決定食龍亭，環境有情調，好grand，卡位坐得舒服，仲有開放式廚房，睇住廚師整，好似睇表演咁，好 enjoy，我地叫左5道菜同7道菜既 Omakase.5道菜Omakase 有沙律，鐵板海鮮兩品，鐵板厚切黑豚扒，海鮮炒飯，甜品，好豐富!沙律非常fresh，煙三文魚，黑魚子包住有機沙律菜，加埋黑醋調味，酸酸甜甜咁，仲有好少見既龍珠果，好好味!鐵板海鮮兩品，選左鮑魚同東星斑柳，用鐵板整好特别，鮑魚彈口，唔韌，有鮮味，加上蒜蓉，好惹味東星斑柳，表皮微脆，肉質滑，鮮味，點埋好夢幻既蝶豆花泡泡，更加帶出海鮮既鮮味，又高級又好食.鐵板厚切黑豚扒，厚切有肉味，點埋 washabi，好食，仲有好可愛既蘑菇蘿蔔，好靚!海鮮炒飯，炒飯粒粒分明，每粒都好入味，仲有新鮮大蝦三文魚籽，每粒都散發鮮味。超好食!紫薯雪糕，紫薯味好濃郁，加埋爆珠，好好味!咁開心梗係要beer下^^