影片
更多
2021-09-18
89 瀏覽
之前係銅鑼灣打響名堂嘅”Seoulmate”進駐左將軍澳海濱！佢哋一直出名食物賣相精緻，未食都已經影相影到飽😂再加上創新嘅食物配搭，所以Seoulmate都累積左一定嘅回頭客架！今次搬左入嚟將軍澳海濱，餐廳裝修同周邊環境令成個感覺更進一個檔次添！更加重要嘅係價錢真係唔貴，性價比好高呀。。。🔘韓式醬油燒腩肉拌飯配糖心蛋 | $64評分: 🌕🌕🌕🌕🌑評語: 每次去一間新餐廳我都鍾意試下佢哋最基本嘅菜式，因為越基本有時候越考功夫，韓式拌飯絕對係其中一種。Seoulmate嘅拌飯十分足料，所有韓式伴菜都有，而最大分別係佢哋用左大量泡菜去取代一般餐廳所用嘅韓式辣醬，口感即刻豐富晒！而半肥瘦嘅燒腩仔醃到夠晒入味，每一啖都好好食。。。🔘韓燒牛肉炒飯 | $68評分: 🌕🌕🌕🌕🌑評語: 牛肉用韓燒嘅烹調方式燒過，然後將醬油加入白飯同牛肉中炒，未食已經一陣飄香。醃過嘅牛肉再用鐵板燒過，入味得嚟又帶一陣焦香。炒飯搭成一個桶狀，係上面沐上芝士醬汁，一個本身好普通嘅炒飯都整到色香味俱全🤤。。🔘甜辣炸雞 | $30評分: 🌕🌕🌕🌕🌑評語: 炸雞肉比較細嚿，但炸得香脆可口，而內𥚃依然鎖有肉汁。炸雞面頭淋上甜辣醬汁
之前係銅鑼灣打響名堂嘅”Seoulmate”進駐左將軍澳海濱！佢哋一直出名食物賣相精緻，未食都已經影相影到飽😂再加上創新嘅食物配搭，所以Seoulmate都累積左一定嘅回頭客架！今次搬左入嚟將軍澳海濱，餐廳裝修同周邊環境令成個感覺更進一個檔次添！更加重要嘅係價錢真係唔貴，性價比好高呀。
。
。
韓式醬油燒腩肉拌飯配糖心蛋
$64
11 瀏覽
0 讚好
0 留言
評分: 🌕🌕🌕🌕🌑
評語: 每次去一間新餐廳我都鍾意試下佢哋最基本嘅菜式，因為越基本有時候越考功夫，韓式拌飯絕對係其中一種。Seoulmate嘅拌飯十分足料，所有韓式伴菜都有，而最大分別係佢哋用左大量泡菜去取代一般餐廳所用嘅韓式辣醬，口感即刻豐富晒！而半肥瘦嘅燒腩仔醃到夠晒入味，每一啖都好好食。
。
。
韓燒牛肉炒飯
$68
2 瀏覽
0 讚好
0 留言
🔘韓燒牛肉炒飯 | $68
評分: 🌕🌕🌕🌕🌑
評語: 牛肉用韓燒嘅烹調方式燒過，然後將醬油加入白飯同牛肉中炒，未食已經一陣飄香。醃過嘅牛肉再用鐵板燒過，入味得嚟又帶一陣焦香。炒飯搭成一個桶狀，係上面沐上芝士醬汁，一個本身好普通嘅炒飯都整到色香味俱全🤤
。
。
🔘甜辣炸雞 | $30
評分: 🌕🌕🌕🌕🌑
評語: 炸雞肉比較細嚿，但炸得香脆可口，而內𥚃依然鎖有肉汁。炸雞面頭淋上甜辣醬汁，甜甜地又唔會太辣，一個好好嘅開胃餸菜。
。
。
🔘炸薯條 (加配泡菜蒜香蛋黃醬) | $20+$10
評分: 🌕🌕🌕🌗🌑
評語: 薯條熱辣辣，但比較淋身未炸至金黃香脆。要讚嘅係需要另外加錢嘅泡菜蒜香蛋黃醬，泡菜味十分出眾，加入蒜香蛋黃醬入面出奇地match！相信點其他炸物都會好好食。
。
。
焙茶和特濃朱古力雪山
$48
0 瀏覽
0 讚好
0 留言
🔘焙茶和特濃朱古力雪山 | $48
評分: 🌕🌕🌕🌕🌑
評語: 奶蓋特飲係佢哋其中一個signature，特飲上奶蓋滿瀉，配合山形狀嘅玻璃杯，成個造型似足鋪滿積雪嘅富士山咁。可能係朱古力味沉底嘅關係，焙茶味好香濃，所以大家記得攪拌好先飲呀。而奶蓋芝士味好rich！值得推介呀
。
。
韓式米酒Tiramisu
$58
13 瀏覽
0 讚好
0 留言
🔘韓式米酒Tiramisu | $58
評分: 🌕🌕🌕🌗🌑
評語: Seoulmate嘅Tiramisu都加入埋韓式元素，用米酒取代傳統用開嘅冧酒。Tiramisu有淡淡嘅米酒香🤤唔會搶走本身底有嘅甜味，上面嘅cream夠晒細滑。如果中間嘅手指餅浸耐啲令佢變冧返些少相信會更好食。
。
。
🔻味道相當不錯，價錢亦十分公道
🔻位於將軍澳海濱，周邊環境一流
張貼
