L'AMOUR

營業中

休息中

前排生日朋友帶左我去L’amour慶祝，想講呢個$1188嘅set dinner真心抵食！一開場就震撼——三款生蠔拼盤🇯🇵🇫🇷🇦🇺！店員教我哋由淡食到濃：日本宮城蠔爽脆清甜、法國諾曼第蠔海水味爆棚，最正係澳洲哥芬灣蠔，奶油般滑溜仲有礦物回甘，蠔迷必試😝前菜就有驚喜🍅蕃茄牛肉湯酸香醒胃，真係飲到粒粒牛肉🥗沙律新鮮到好似農場直送原隻澳洲龍蝦手工意粉🦞龍蝦煎到金黃超彈牙，帶子同三文魚籽「卜卜」爆開，個汁掛滿每條意粉，鮮味大爆發！ 慢煮黑毛豬鞍🐖顛覆想像！肉質軟嫩到似和牛，焦糖蘋果片甜甜地平衡油香，連伴碟嘅蘆筍都嫩過人法國鵝肝牛柳🥩更誇張，鵝肝入口即化，牛柳切開粉紅色仲有肉汁，紫薯薯蓉綿密帶甜，邪惡但停唔到口！ 甜品Tiramisu🍰為晚餐完美收官，咖啡酒香同 cream 比例啱啱好，唔會太甜-配杯白酒🥂，成晚食物層次豐富到似味覺旅行，侍應仲好細心介紹食法。生日飯有呢種質素，絕對會encore！