龍尾軒

營業中

休息中

臨近年尾想同屋企人食餐好d嘅，早排喺社交平台見到大尾督開咗間由前福臨門廚師主理嘅私房菜，當然唔執輸去試試原來廚師係順德人所以菜單保留咗唔少嘅正宗順德菜，例如呢道石榴球，外表有D似灌湯餃，但其實係將所有炒熟嘅材料包入蛋白皮中，做成石榴球， 加埋外面個湯汁非常線味。另外一個必提嘅係呢三道前菜椒鹽九肚魚、胡麻冰菜同麻辣皮蛋。尤其係九肚魚，炸得鬆脆之餘一D都唔油膩，食完另外兩碟重口味前菜最後食返冰菜中和一下味蕾。食得中菜最緊要係湯，呢個五指毛桃玉竹燉雞湯飲落好清甜而且有行氣活血嘅功效，啱曬冬天補身。