影片
電話號碼
31862385
94635278 (WhatsApp)
營業時間
今日營業
12:00 - 23:00
星期一至二
12:00 - 23:00
星期三
全日休息
星期四至日
12:00 - 23:00
*(每天之營業時間可能有所不同，請直接whastapp餐廳查詢)
以上資料只供參考, 請與餐廳確認詳情
有關獎賞計劃
因為今個月好多朋友生日，大家提議不如去食私房菜，朋友介紹話呢間喺大埔嘅人細私房菜好出色，一於去試吓啦。本身大家都覺得呢度嘅位置太偏僻，但係估唔到大家一嚟到嘅時候都好欣賞，因為呢度嘅環境真係好好，有啲世外桃源嘅感覺，佢嘅裝修比較中式，好似去咗古代咁。呢度好好咁俾咗間房我哋慶祝生日，我哋都不約而同忍唔住係咁影相，影影吓佢就好快上咗前菜啦。前菜入面，我最欣賞呢個黑松露翡翠豆腐，黑松露味道唔算好濃，唔鍾意食黑松露嘅人都接受到，而且襯埋豆腐，越食越開胃。另一道前菜，涼拌酸辣土豆絲都係開胃嘅食物，而且佢嘅辣唔算太辣，大人小朋友都食得。一向都好鍾意飲湯，呢度嘅湯非常出色，每個朋友都大贊。我自己鍾意呢個五指毛桃玉竹燉雞湯，一飲就知道冇味精，而且好香同埋好清，好適合女士或者老人家。主菜方面，我最欣賞呢個砵酒焗牛尾，一直以為呢度菜比較西式，估唔到中菜都可以做到咁出色。佢嘅牛尾整得好腍，而且牛味好濃郁，非常送飯。最後佢嘅甜品竹蔗茅根菊花豆腐都好好食，承諾比較清新，就算食到好飽都仍然食得落，為呢一餐飯畫上一個完美嘅句號。呢間私房菜除咗環境靚之外，食物質素都好高，而且環境比較隱蔽，好適合一班朋友慶祝生日或者約會。
繼續閱讀
素聞位於大埔大尾篤嘅龍尾軒由前福臨門廚師主理所以新年我特登book位同家人黎聚餐即使未有機會試福臨門都可以試下廚師手勢🤭菜式可以同餐廳商量或者有套餐可以揀價錢可以接受菜式份量都因應人數調配先上位份前菜清酒冰鎮南非鮮鮑 - 鮑魚大隻鮮甜😍酒香味不太濃，老少皆宜香煎蓮藕餅 - 蓮藕餅香酥爽脆涼拌酸辣土豆絲 - 酸辣開胃桑葚靈芝石斛燉雞湯冬天最愛熱湯😍一上枱就有陣淡淡藥材香湯料足飲落清甜仲有靈芝陣陣甘香芝士牛油海中蝦（煎米粉底）蝦夠大隻肉質爽彈重點係個芝士牛油醬濃郁但唔膩仲帶少少鹹香底下嘅煎米粉香脆吸晒醬汁比傳統伊麵感覺無咁油膩呢個一定要試！重慶麻辣雞煲雞肉甚多而且已盡量避骨麻麻辣辣相當惹味雜糧蕃茄盅呢道菜相當有心思蕃茄先去皮然後內饀藏滿各式豆類口感豐富感覺清淡健康最愛呢道菜！福建炒飯呢道炒飯有點與眾不同直頭係富貴版福建炒飯醬汁勁多瑤柱同帶子好豪呀！最後嘅甜品都好特別竹蔗茅根燉菊花豆腐平時多作涼茶嘅竹蔗茅根水竟然化身中式甜品味道清淡同一般甜膩嘅西式甜品或中式糖水好唔同菊花豆腐華美精緻估唔到甜品都令人賞心悅目今次私房菜俾我地試到入門版嘅富豪晚餐下次再黎試下更矜貴嘅菜式先！
繼續閱讀
放假入大尾篤真係好chill，去完龍尾灘睇海睇日落，就行過去對面食私房菜😌😌呢間house式係由福臨門廚師🧑🍳主理既私房菜餐廳門面已經感受到氣派，未食已經先期待😆一入門左邊已經有個中國古代宮廷風格既室外包廂，好特別！如果天氣暖翻少少我下次會坐呢度😆-被安排上2樓，果然係私房菜，極高私隱度，坐得好寬敞舒適-望一望今日餐牌，前菜有三款泰式涼拌蟶子王肉嫩肥厚，相當鮮甜，配上微微酸辣既調味好開胃九肚魚唔會過鹹，咬落去脆口鬆化，魚肉乾身，嫩滑中帶口感，想過口癮但又唔怕過量會熱氣！😈燒椒黃金皮蛋，蛋黃流心，蛋白Q彈，醬汁酸辣惹味，呢三款前菜刺激味蕾令我食指大動😌-羊肚菌栗子燉鮮鮑魚湯湯味濃郁，鮑魚燉到好腍既不失咬口，湯頭飲得出紅蘿蔔同粟米既鮮甜，因為燉湯嘅關係，湯料仍然保持原味，所以全部都唔覺意食晒，栗子🌰養胃健脾，飲完暖入心。-砂薑蔥油雞肉質嫩滑，配上大量薑蔥，傳成個油香昇華，整體口感層次增加-沙嗲安格斯牛肉粉絲煲加入菠蘿，甜酸味中和本身沙嗲鹹香味，令人不停食完一啖又一啖，拌飯一流，鍾意重口味既朋友會對呢煲愛不釋手-櫻花蝦魚腐浸農場菜既魚腐將湯汁吸飽吸滿，農場菜鮮甜，「菜有菜味」就係農場菜既特色-全餐最驚喜既係鮑汁鱆魚雞粒炒飯成個炒飯配搭得好好，味道相當香濃，每喺飯都食到鱆魚，好有存在感-食完成餐飯，最尾飲一個清香生磨杏仁茶，唔止可以清一清味蕾，仲可以消滯解油膩今餐食得滿意，又有種養生既感覺真係名符其實有家既感覺又有功架既私房菜❤️
繼續閱讀
聽朋友講、大埔大尾篤有間好好嘅粵菜、所以今晚特登嚟試一試、點咗傳統粵菜包括：豉椒野菌炒龍蝦球、金湯珍菌石榴球、沙薑蔥油走地雞、順德煎釀鯪魚、砵酒焗牛尾脷、酥香黃金片當中豉椒野菌炒龍蝦球、炒得乾身、啖啖肉、爽口鮮甜、好味、金湯珍菌石榴球、係手工菜、 買相精美、製作需時、用腐皮代替蛋白、別緻可口、順德煎釀鯪魚裏面再加入一啲馬蹄、清新爽口、砵酒焗牛尾脷、 炆到入味稔口、淡淡的紅酒蕃茄汁、送飯一流、酥香黃金片、咸香脆漿配南瓜片、正下次會繼續嚟幫襯
繼續閱讀
本身對中菜麻麻地 食完發現原來中菜都可以咁多花款我最鍾意係三款前菜 特別係醬皇紅蜇頭另外雜糧蕃茄盅真係好食又特別 最緊要食材都幾新鮮 又夠份量我唔知食咩仲可以幫我安排好菜單 啱曬我呢d選擇困難症之後等我帶埋屋企人過黎食先👍🏻
繼續閱讀
您可能會有興趣的...