虎嘯日式蒸氣海鮮刺身專門店 (亨環‧天后)

營業中

休息中

一間餐廳竟然有套餐係有蒸氣火鍋又有刺身，仲有其他唔同嘅食物，食完一個餐超飽！主角一定係法國藍龍蝦，龍蝦每人都有半隻，都幾大隻，蝦肉蒸完都好爽口，好彈牙，亦有啲蝦膏，好濃味，龍蝦鉗都好大隻，都係新鮮嘅龍蝦！時令海蝦同樣都係大大隻，係新鮮嘅海蝦，好鮮味，爽爽地，唔會係霉晒既肉！海葡萄原隻鮑魚同時令海螺一齊蒸，差唔多時間熟，鮑魚同海螺都係幾爽口，鮑魚上面放咗啲海葡萄就更加鮮味，海螺都係食得出好鮮甜！牛肉福袋同墨魚滑都係一齊蒸，牛肉福袋整得好靚，福袋嘅豆腐皮煙煙韌韌，牛肉餡醃得好好，好嫩滑嘅牛肉，另外墨魚滑好香墨魚味，仲有啲墨魚粒，口感好好！