小明珠

一向鍾意食上海點心小籠包生煎包嗰啲，朋友介紹咗小明珠，是晚就一齊嚟試下😋牛頭角街市呢條斜路直上，明明前面幾間餐廳都冇乜人，但嚟到小明珠竟然全場爆滿，門口仲有人等緊位添。門口原來幾圍都係等緊大枱，我哋兩位入到去，店員即刻係收銀前面開張枱仔加枱，幾好彩喎唔使等😆⭐花雕醉雞作為冷盤嘅花雕醉雞第一樣上枱，個酒香係幾正，雞件嫩滑，想啲雞件濃味啲，再放落個酒汁到浸一浸，更香更濃😋⭐酸辣湯麵第二樣上枱係酸辣湯麵，賣相唔錯而且好大碗，一大駝面餅仲有好多酸辣湯，個湯汁酸酸辣辣又足料，麵條有咬口，真係幾好味😋⭐招牌小籠包小籠包當然唔少得，上枱熱辣辣正喎，皮薄湯汁多，入口鮮味，好食🤤⭐香煎牛肉包跟住就係生煎牛肉包，麵包底煎到脆卜卜，牛肉餡料有胡椒香，雖然冇爆汁，但咬落都有肉汁嘅，味道唔錯呀😋⭐北京蔥油餅蔥油餅烘的酥脆，厚厚的餅皮咬落有層次感，蔥花下得多，細細咀嚼食到青蔥的香味，正喎🤤⭐炸銀絲卷最後仲有炸銀絲卷，外皮炸得香脆，內邊鬆軟，但冇銀絲卷一條條嗰種口感，食落有啲似饅頭，哈哈，但點下煉奶都係好好味嘅😆嗌咗好多包類嘅點心，好好味食得好滿足，朋友果然冇介紹錯👍