小明珠

點了3款食物 :1. 小籠包 (5星好評)皮薄餡靚，大大粒爆晒汁2. 擔擔麵 (1星劣評)1星係比麵質，正常嘅擔擔麵湯底濃稠，每啖麵都掛住湯汁。呢間嘅就只係一碗「有擔擔麵味」嘅稀湯，簡單講就係得個樣似擔擔麵，食落只係普通湯麵3. 雞煨麵 (0星劣評)食過雞煨麵就知湯底濃稠充滿雞湯味，而佢嘅不單止雞味欠奉，湯底淡而無味，只係得淡淡嘅青菜味，味道就似用滾菜水打茨就算，個麵更加係煮過火太淋多謝樓面聽到反映後主動取消雞煨麵…查看更多

一筷穿越老上海風情滬菜四重奏，先嚐鎮店小籠包，七摺十八紋如玉梳捏褶，輕提慢移，湯汁洶湧著蟹粉金黃，肉餡與薑絲共舞出滿口鮮甜。香煎牛肉包顛覆傳統，脆底灑滿白芝麻，咬下爆出孜然醃製的草原氣息，肉汁瞬間漫過焦香麵皮。豆沙窩餅炸得通透如蟬翼，薄脆間流淌著手炒紅豆沙，細膩中藏著陳皮暗香，甜度恰似江南女子的溫婉。壓軸的上海粗炒麵鑊氣奔放，粗麵條掛滿濃油赤醬，配上筍絲肉絲，重現弄堂裡的市井煙火。這席菜彷彿外灘風華縮影，傳統與新派在舌尖和解，人均二百嚐盡海派百味。…查看更多

記得《小明珠》以前係開响藍田一間好細細間舖，估唔到佢原來搬咗嚟觀塘。佢嘅食物質素同味道，係我食過嘅小店之中數一數二出色。感覺佢搬去新店後啲菜式好似比以前多咗好多咁，要試哂佢嘅菜式都有排試。我點番我嘅至愛，《雞扒担担麵》、《花鵰酒醉雞》同《招牌小籠包》。《雞扒担担麵》我好鍾意佢個雞扒炸得好鬆脆，而肉質係保持到鮮嫩；而担担麵係我想要嘅味道，醬汁係有芝麻醬香、豆瓣醬香，帶點微辣，係傳統四川嘅風味。《花鵰酒醉雞》份量雖然唔係好多，但佢醃得夠入味，花鵰酒香撲鼻而嚟，入口嘅酒香氣令人賞心悅目，而且肉質一啲都唔柴，平時出去食嘅醉雞點都會柴柴地，《小明珠》做到嫩而不柴。《招牌小籠包》難得小店做到皮薄餡靚嘅小籠包，而且入面係有滿滿嘅湯汁，夾起時認真要小心啲唔好整穿個皮，啲湯流咗出嚟就嘥咗個小籠包。…查看更多

可能野食口味已經不太合適，偏酸偏淡，酸辣湯-偏酸椒鹽鮮魷-粉太厚仲要有幾舊係得粉冇鮮魷松子魚-應該係炸完魚再淋個汁，但汁都係凍既同埋係偏酸雪菜絲炒年糕-淡而無味宮保雞丁-口味不太合適蝦仁豆腐，火腿津白，生煎包-味道正常普通一杯凍檸茶可以冇味，難飲6:30入座我地一共8個人，食左一個鐘，7:30已經趕我地走，仲要示意我地埋單兩次，手指指我地，當時還有幾張吉枱。今時今日咁樣嘅服務態度，一定唔會再有下次，俾錢買難受。…查看更多

今日晏晝叫左麻婆豆腐飯🍛 結果……真係後悔！ 食完唔夠一粒鐘，開始覺得個肚好唔舒服🤢💥 完全頂唔順，成個下午都係廁所同床之間來回跑…… 最奇怪係我平時有食佢哋嘅湯年糕都無事，今次唔知係豆腐問題、定係飯唔新鮮？🤨 但我老公叫左回鍋肉飯就冇事…查看更多

天氣有d涼，想飲下湯，食碗麵，暖暖身！呢間小明珠係啟田果邊有間，之前路過都想試，舖面無觀塘闊落，今晚突然想食，就過來觀塘食。搭鐵到牛頭角站A/B出口，往觀塘方向行約10分鐘就到，都容易搵到，附近都多餐廳選擇，而呢間店就係斜路盡頭，平時好少行呢度，應該做街坊生意為主。去到間店大約7點幾，已經坐滿客，有幾檯人等位，如果預訂就會準時比檯，我們walk in,就要等約20分鐘，如果天氣許可，人唔多都值得等一等！餐廳面積唔算好大，坐到40-50人（目測）樓面有2個，佢地都好忙，但都十分有禮貌和快手收拾，招呼人客，辛苦晒佢地！（期間見到主廚出來招待，見佢都幾nice)落單就最好一早諗好，因為太多野想食而會有選擇困難，晚市無套餐，全部散叫。今次第一次來就叫兩個小食，兩個主食（見圖）由於人客多出餐需時，但都唔會好耐，唔會一次過上菜，保證食ge時間都好熱辣辣。食物質素方面，都超過預期，份量都幾多，雞排麵好多雞排，即炸多汁又香脆，擔擔辣道相宜，湯和麵都好正。小籠包有4粒，好大粒和皮薄多汁，夾上來要好小心要溫柔d，因為容易穿左漏汁。韮菜鮮蝦水餃有6粒，清湯底有生菜和酸菜配料，水餃好大粒，肉汁鮮味，值得一試！雞餵麵都好大碗（本來叫左排骨湯麵）算啦，試下無妨，加上我喉嚨唔舒服，清清地都幾好！祖師傅我都好耐無寫食評，今次都要讚下呢間上海食店，唔會因為忙就影響食物質素，亦無漏單！整體評分： 90分 payment 方面要留意只收現金見有客人用支付寶，但都建議帶定現金，附近唔易搵ATM。希望該店生意繼續客似雲來，開多間分店！…查看更多

午市客飯同埋下午茶時段＋$10有兩個小籠包非常抵食（唔知依家仲有無做promotion) ，小籠包皮簿餡靚，包咗好多湯汁～雞扒擔擔麵亦係高質，雞扒炸得香脆，擔擔麵湯底濃，不過偏辣，可以落單請廚房少辣。…查看更多

尋晚同同事一行9人黎食晚飯，我就第一次黎，雖然鋪頭細細，但坐落都舒服既，首先叫咗啲小食，香辣魚皮，辣辣地，魚皮好爽。之後有虎紋尖椒，由於我好鐘意食辣，尖椒都辣，好好味😋之後有小籠包，真係好好好味，皮簿，每隻入面都有湯👍🏽👍🏽之後要再encore 多次😅松子爐魚，酸酸甜甜，好醒胃，又夠大條。薑蔥蟹，夠晒鑊氣，蟹又新鮮，再飲左啲啤酒，又餐顧住食，忘記左影相，唯有下次再黎食，影返多啲相啦🤣🤣🤣…查看更多

小籠包、櫻花蝦炒高麗菜、豉椒炒蜆、紅燒牛肉麵⋯小明珠💎嘅嘢食都好似食緊住家菜嘅感覺🥰，住近觀塘嘅朋友仔有口褔啦！🤤小籠包熱辣辣又多汁😋，皮薄餡靚！👍食嘅時候記得咬一小口先，飲咗啲湯再咬大啖啲！櫻花蝦炒高麗菜櫻花蝦🦐嘅香味同口感令高麗菜🥬更有鮮味！櫻花蝦真係令成道菜畫龍點睛～🐲🐉豉椒炒蜆豉椒味嘅蜆真係最佳配搭，鑊氣十足！♨️紅燒牛肉麵湯底好正，牛肉🐮好香口，麵就硬軟度適中～❤️‍🔥…查看更多

招牌小籠包：皮薄餡靚，湯汁較多，鮮肉好入味，百吃不膩，每日下午1:30-3:00仲限時優惠，以優惠價就可以嘆到。超好味嘅小籠包啦！紅油抄手：係我最欣賞嘅，抄手食落非常滑，餡味突出，而且比我平時食嘅咁大粒，最特別之處就係佢嘅醬汁，汁微辣濃香，具有濃郁嘅麻辣風味，食完之後好滿足。四川担担麵：花生味道香濃，湯底濃郁，可以好有四川嘅風味，而面質軟硬度適中，極度推介。香煎牛肉包：一咬落去有爆汁嘅效果！煎到金黃色，咬落好鬆軟，而且牛肉餡料夠新鮮又足料。豆沙窩餅：外皮好脆口，紅豆餡有夠多，食落去淡淡都係紅豆，果然真材實料。…查看更多

今晚熱辣辣走上斜路去食呢間上海菜。叫了小籠包、台式牛肉麵、蒸銀絲卷。小籠包幾好味，湯汁多，皮夠薄。雖然不及鼎泰豐和樂天皇朝精緻，但比翡翠拉麵和上海姥姥的造得好味。台式牛肉麵麵底好食喎，牛肉合格，下次可以試下其他的麵食。蒸銀絲卷就比較失色，包卷入面條條不分明，吃不出絲絲的感覺，變左白饅頭點練奶。…查看更多

餐廳主打上海菜，各款地道上海菜色都有得供應餐廳裝修簡樸卻舒適，無論是三五知己還是家庭聚餐都很合適。師傅好有經驗, 從細節也知道功力十足!-小籠包是店裡的招牌菜，皮薄摺紋細緻，內餡鮮嫩多汁。-酸辣湯酸辣開胃，木耳、豬紅、豆腐，材料豐富酸辣開胃。-糖醋骨外酥裡嫩味道酸香帶甜，開胃怡人--上海回鍋肉香辣可口，青紅辣椒、椰菜炒得香脆，加上豬腩肉, 整體香濃惹味-=簡單配口感鬆軟蒸銀絲卷-，蘸上煉奶油味道更上一層樓。-每道菜都讓人食指大動。值得一提的是，星期一至星期五午市有優惠，小籠包10蚊2隻，非常抵食！推薦推薦!#小明珠 #上海菜 #小籠包 #酸辣湯 #糖醋骨 #上海回鍋肉 #觀塘美食 #香港美食…查看更多

聽講呢間嘅小籠包好出名，主要係食上海菜今次我就約咗朋友去呢間食晚飯睇過餐牌後，覺得價錢合理，款式都好多樣化有辣有唔辣！首先我就試吓「時菜牛肉」 $108牛肉肉質好軟嫩，雖然有根，但肉味好香濃！啖啖牛肉入味十足，而且菜都好新鮮脆口配合住肉汁真係非常美味!係比較重鹹香嘅關係，所以我哋叫咗一碗白飯share，白飯飯粒好粒粒分明☺️夏天食，真係好開胃呀!再來我就試吓「糖醋魚片」 $108魚肉又唔會太乾，糖醋汁調得剛剛好食落唔太油，唔會太酸唔會太甜，好滑順！入口香甜，真係非常下飯❤️‍🔥再來我就試吓佢哋嘅皇牌「小籠包」 $45一籠總共有四隻🥰包皮好薄，包入面嘅湯汁竟然一點都唔漏小籠包啲肉汁都好香，好滋味啊！（順帶一提，下午時段有優惠 $10兩隻）「酒釀丸子🍡」 $38/位綿軟香甜，入口即化但有桂花香味，酒香十足，同時又唔會太甜有驚喜wor🫰🏼🫰🏼呢度嘅上海菜好出色，材料新鮮，同埋好大份可以話鍾意食辣嘅朋友唔可以錯過！佈局同環境都好舒適，好有街坊生意嘅感覺下次有機會一定會再嚟試吓其他嘅菜式💗…查看更多

今日和朋友去咗位於牛頭角嘅「小明珠 Pearl Pearl Kitchen」Lunch ……台灣牛肉麵…可以任選米粉，薯粉或米線等…..湯底都濃厚，牛肉份量不少而且有嘴勁，麵條好滑！酸菜牛肉魚片飯.. 加$7轉菜飯！份量好足，牛肉是鮮牛…..薯粉好入味！紅油抄手，加入咗好多蔥花同蒜蓉好惹味！醉豬手.. 食時淡淡酒香包圍著醉豬手， 豬手肉質十分爽脆，外皮爽口不肥膩👍 我嘅至愛高麗豆沙…….美味可口，重點不會太甜！…查看更多

小明珠🌟整體: 地道上海菜 隱世小店 熱鬧多人☆║．．．．．．．．．．．．．║☆‼️ 蒜蓉茭白筍 $88✅ 小小支 質地脆嫩 味道清甜 調味蒜蓉較清淡‼️ 蠔仔煎蛋 $88✅ 蠔仔多 味道鮮美 蛋味都OK‼️ 擔擔麵 and 排骨 $68✅ 濃郁鮮香 真麻辣味 好足四川風味 炸排骨 唔乾頗juicy 大大碗咁‼️ 台灣紅燒牛肉麵 $58✅ 牛肉肉質嫩又有嚼勁 口感紮實的麵條 幾值得一口叫📍 觀塘聯安街35號地舖⏰ 星期一至日 12-15 17-22☎️ 電話號碼 35654788📷 Fujifilm XE4 + 23mm F2📩喜歡我的文章，可以關注我及讚好以作鼓勵…查看更多