漁火海鮮刺身火鍋

營業中

休息中

第一次黎呢間火鍋餐廳，被店員嘅熱情招呼所感動，仲會主動噴消毒液，衛生方面做得好周到。飲品叫左自家製竹蔗茅根，真係不錯，甘甜又清熱。火鍋湯底揀左花膠響螺燉赤肉，呢間火鍋湯底主打係燉湯，啲料超足，響螺甜豬肉香花膠厚，未打邊爐已經先飲一口老火湯。前菜就叫左泰式生蝦，搭配特製沾醬，酸辣之間夾雜住海鮮嘅鮮美，生蝦口感彈牙，超級醒胃。火鍋配料嘅選擇都好多，新鮮食物高質。花甲味道鮮美，粒粒肥大飽滿即開即食，無沙，必讚。本地手切牛頸脊，油花完美，牛味濃郁十足，輕煮十秒即享嫩滑口感，恰到好處。雲吞王選用豬蝦韭黃作餡料，真係皮薄餡靚，入口鬆化，完美享受。蝦滑同墨魚滑都係精選，蝦滑用大蝦製作好鮮甜，墨魚滑亦新鮮彈牙，真係一試難忘。即炸鬆脆響鈴提供兩種享受方式，熱辣辣直接食鬆脆過薯片，浸湯吸味更是一番風味。時令雜草籃浸泡於優質湯底，令每種蔬菜都充滿滋味，連一向討厭吃菜的朋友亦不停口。菜心嫩、白菜甜、生菜爽，真係難以抗拒。