三日月

營業中

休息中

話說我六月都約唔到個朋友出嚟食生日飯，有一間餐廳我食過幾好食，同埋都知道佢本身好鍾意食日本廚師發板，所以今次我帶咗朋友去呢一間餐廳，畀佢感受下，呢間餐廳主打日式高級和風風格！而且仲有兩間專屬vip房！鍾意私隱度高或者長靜靜地食嘢嘅朋友就可以book！今次我哋決定坐出去感受下餐廳嘅氣氛，大廳仲有L字枱可以畀大家感受一下廚師發板廚師製作過程同埋心機享受！今次我哋叫咗個兩人海鮮廚師發板餐！第一度菜，入面有甜醃嘅肉，之後係豆腐，最後係牛蒡，開胃前菜做好食海鮮嘅準備！然後配上有海葡萄嘅沙律開胃，小蕃茄蔬菜亦都非常健康！第一度菜海帶燒原隻鮑魚，鮑魚煙韌，肉質豐厚、配上可愛嘅小花做飾物，少女心爆滿！之後第二度主菜為帝王燒虎蝦，虎蝦大大隻配上精緻蝦膏肉做醬汁，味道非常鮮甜嫩滑，食幾啖忍唔住再想食！第三度菜日本茶碗蒸，配上黑木耳絲做底、加上用鰹魚特製，香濃味美再配上三文魚子味道更加香濃！另外嘅主菜，紐西蘭肉眼扒同深海野生白雪魚，呢個肉眼扒真係值得一讚師傅用長時間泡製全部都係心機傑作，肉眼扒相當鮮嫩五成熟肉質飽滿有口感，食落去啖啖都係肉汁！配上鐵板炒飯配鰹魚湯，首先先食鐵板炒飯入面有蝦乾同酸梅混合非常開胃