更多
2022-09-14
49 瀏覽
好耐冇食過鐵板燒啦, 今次搵左間高質鐵板燒食, 叫左個一人前套餐。 前菜: 茄子、豆腐, 煙燻雞肉刺身, 呢樣比較小見, 口感唔會有奇怪既感覺, 反而覺得幾得意。 另外仲有一個海葡萄沙律,口感好得意, 一串串鋪係面的。 刺身: 赤蝦、吞拿魚、油甘魚: 三款都係常見的刺身, 新鮮,鮮甜, 冇筋。 下一道就係北海道帶子配菠菜, 帶子好大粒肉質好嫩滑。 茶碗蒸是我最喜愛, 蛋好滑而且加入既湯都好濃。 主食就揀左羊架,朋友叫左個牛柳, 煮之前都會俾你睇睇食材, 可見食材質素係好高, 肉質超嫩, 牛味同羊味經烹調過後味道都好出! 最後就係一個鐵板炒飯, 味噌湯和甜品。 整體來講餐廳水準的確高質。
張貼