貊炙

營業中

休息中

搵到間環境舒適嘅高質韓燒同朋友慶祝生日，職員態度非常友善，全程幫手燒肉唔使自己操勞，食完仲冇成身油煙味👍🏻前菜有五款，泡菜好好食，味道香濃又唔會太鹹，食完亦可以refill。醬油盛盒有大蝦、帶子同八爪魚，估唔到大蝦有咁多膏，好鮮甜！鹽磚和牛西冷扒超大塊，我哋揀左半成熟，燒好嘅和牛放喺鹽磚上，等3分鐘就食得，和牛油脂均勻，牛味香濃，帶有少少鹹味，如果想鹹啲可以放耐啲喺鹽磚上。慶洲黑毛豬盛盒有豬梅肉同豬腩肉，另配有生菜、紫蘇葉、生蒜同青椒。黑毛豬豬味濃郁，配以唔同醬汁（柚子醬油，洋蔥豉油同芝麻鹽）同各款配料包生菜一流。海鮮煎餅份量比想像中大，趁熱食夠哂香脆。同朋友每人叫咗杯嘢飲，青瓜青檸梳打同西柚乳酸梳打，飲落唔會太甜，酸酸地好開胃。食完韓燒點少得甜品，蜜糖牛奶軟雪糕好香滑，重奶味，超大杯，食完夠晒飽。