貊炙

營業中

休息中

貊，音「墨」，有指同貉係同類，亦可以指朝鮮半島中南部嘅一支部族。而貊炙作為香港首間韓式扒房，將韓式燒肉同西式乾式熟成嘅肉類處理方法融合，簡直係味覺嘅奢華享受。 醬油盛合先試韓國傳統料理。用醬油醃製，鹹味同甜味啱啱好；帶子鮮甜，蝦肉肥美，八爪魚爽口彈牙；有少少辣椒同蒜頭提味好開胃。 鹽磚和牛西冷牛扒不得了！和牛西冷油花分佈平均，肉質嫩滑。職員會幫手燒，半熟嘅牛扒放喺玫瑰鹽磚上面，利用餘溫吸收鹽嘅味道，入口即溶。慶州黑毛豬盛合配生菜豬梅肉肉質爽口，豬五花肥瘦相間，脂肪油香非常，豬腸口感筋道唔油膩，豬皮燒到有少少焦香，膠質豐富。配生菜同生蒜係經典韓式燒肉食法，增加清新同減低膩口感覺。 海鮮煎蔥餅燒肉之外，韓式煎餅都勁吸引。海鮮厚實彈牙，煎餅同一般做法唔同，多咗份酥脆。醬汁除咗醬油、糖同醋，仲有麻油同芝麻等，為煎餅提升味道層次。青瓜青檸梳打/西柚乳酸梳打青瓜嘅清新加上青檸嘅清澀，涼快舒暢。西柚同乳酸都甜甜酸酸，佐餐一流。 蜂蜜雪糕用蜂巢蜜配雲尼拿雪糕，較蜂蜜穊身，甜味清香，感覺十分滋潤。