影片
更多
2021-03-06
642 瀏覽
天氣凍真係好鍾意去食燒肉～每次經過燒肉店門口⋯聞到陣陣肉香⋯一定忍唔著走入去！依加夜晚無得堂食，唯有改為食中午！趕喺6點前離座之後先再繼續行街～店內環境好光猛同有格調，以梳化卡座為主，一格一格坐得好舒服～雪花韓式牛肋骨 $315汁燒上牛肋肉 $138壽喜燒日本和牛西冷( 2 件) $288韓式豬排骨 $180雞爽肉 $102阿根廷天使紅蝦 $105韓式燜太刀魚 $220 + 泡菜湯 $90📍📍📍📍📍📍📍📍雪下覓炙尖沙咀廣東道3-27號海港城海運大廈地下OTG47-48號舖
天氣凍真係好鍾意去食燒肉～每次經過燒肉店門口⋯聞到陣陣肉香⋯一定忍唔著走入去！依加夜晚無得堂食，唯有改為食中午！趕喺6點前離座之後先再繼續行街～店內環境好光猛同有格調，以梳化卡座為主，一格一格坐得好舒服～
雪花韓式牛肋骨 $315[分數：8.5/10］
一開始店員先為我地燒咗牛肋骨先～牛肋骨嘅雪花紋真係好靚！底面燒一燒無耐就食得～肉質嫩滑，充滿肉汁同脂香，沾少少鹽花已經非常非常好食！
汁燒上牛肋肉 $138
[分數：8/10］
汁燒上牛肋肉本身已經醃好咗，所以肉質會比較有口感，但脂香味就一樣好香濃！不過因為有燒汁喺面，所以燒嘅時候要小心一啲，唔係就好易燶～
壽喜燒日本和牛西冷( 2 件) $288
[分數：9.5/10］
好有驚喜嘅一款！有啲似打邊爐咁，店員會過嚟幫我地淥好，再沾上蛋漿，最後配上飯糰一齊食～和牛西冷意想不到咁嫩滑，配上甜甜嘅壽喜燒汁，又不會蓋過和牛香，非常好食！
韓式豬排骨 $180
[分數：8/10］
平時好少會點排骨類，因為好怕燒完會變得好嚡，但今次朋友叫咗一份試，排骨燒完之後都保持到嫩滑～骨位仲帶少少脂肪香添！
雞爽肉 $102
[分數：8.5/10］
之前未試過雞爽肉～好奇叫咗一份試吓。醃料味道啱啱好，唔會太鹹。雞爽肉名副其實，食落帶有爽脆嘅口感，而且雞肉一樣都係好嫩，值得一試！
阿根廷天使紅蝦 $105
[分數：8/10］
阿根廷天使紅蝦大大隻夠晒吸引，一份有2隻～肉質爽口彈牙，最欣賞佢蝦頭入面嘅蝦膏，蝦膏夠多味道香濃！正！
韓式燜太刀魚 $220 + 泡菜湯 $90
[分數：8/10］[分數：8.5/10］
依兩款嘅味道有啲相似，但前者就用太刀魚，而後者就用豬腩片。太刀魚份量比較大，味道較濃，但會有啲幼骨。而泡菜湯入面就有大量泡菜同豆腐，用嚟送飯真係一流！
📍📍📍📍📍📍📍📍
雪下覓炙
尖沙咀廣東道3-27號海港城海運大廈地下OTG47-48號舖
張貼
