影片
更多
2025-01-28
258 瀏覽
今晚呢餐韓燒有如女皇般享受，幾乎不用自己動手，大部分有店員哥哥幫手燒，火喉掌握一定比自己燒的更好。餐廳裝潢優雅座位闊落坐得好舒適，食完再飲下野傾下計真係好chill。我們點了Special Menu真係超級豐富，既有烤肉又有熟食。單是和牛盛盒已經極高質，五塊大大片的和牛肉味濃郁又有靚油花，蘸上生雞蛋一起食更突顯肉質的鮮美；其他烤肉食材則放在長條型碟上，包括薄切但咬口爽彈的牛舌、肥肉瘦肉層次分明的五花肉、食落甜甜地的水果醬油雞腿肉，以及肉質嫩滑的挑骨雞翼。重點主角之一是我最愛食的鰻魚，厚切肥美，店員幫我哋燒到金黃色，香氣四溢，啖啖肉食落好彈牙。至於熟食就有原味及甜酸味各一半的半半炸雞，韓式炸雞確係無得輸，外皮酥脆內裡雞肉仍保有肉汁好嫩滑；仲有海鮮煎餅餡料都好多，尤其是蠔仔及魷魚粒，煎得好香口；最後還有傳統石頭鍋飯，各式配菜色彩繽紛，中間有蛋漿再混合韓式辣醬攪拌食，更有脆卜卜飯焦，口感豐富。飲埋杯清新解膩的柚子檸檬梳打及青檸梳打，今餐非常完美，值得再嚟。
我們點了Special Menu真係超級豐富，既有烤肉又有熟食。單是和牛盛盒已經極高質，五塊大大片的和牛肉味濃郁又有靚油花，蘸上生雞蛋一起食更突顯肉質的鮮美；
其他烤肉食材則放在長條型碟上，包括薄切但咬口爽彈的牛舌、肥肉瘦肉層次分明的五花肉、食落甜甜地的水果醬油雞腿肉，以及肉質嫩滑的挑骨雞翼。
重點主角之一是我最愛食的鰻魚，厚切肥美，店員幫我哋燒到金黃色，香氣四溢，啖啖肉食落好彈牙。
至於熟食就有原味及甜酸味各一半的半半炸雞，韓式炸雞確係無得輸，外皮酥脆內裡雞肉仍保有肉汁好嫩滑；
仲有海鮮煎餅餡料都好多，尤其是蠔仔及魷魚粒，煎得好香口；
最後還有傳統石頭鍋飯，各式配菜色彩繽紛，中間有蛋漿再混合韓式辣醬攪拌食，更有脆卜卜飯焦，口感豐富。
飲埋杯清新解膩的柚子檸檬梳打及青檸梳打，今餐非常完美，值得再嚟。
張貼
