喜來稀肉 (登龍街)

營業中

休息中

好耐冇食燒肉，想食一間正宗啲嘅韓國燒肉。咁咁啱今日喺銅鑼灣放工之後就周圍搵吓有咩食啦。朋友就提議食呢一間燒肉，話有好多好評。我同朋友都係食肉獸嚟嘅，亦都比較鍾意食牛肉，所以我哋一共叫咗三款牛肉來燒。三款肉嘅質素都唔錯，而且三款都有調味肉，肉嘅味道都唔同，唔會話三款都一樣味。另外你食韓國嘢點可以唔叫個紫菜飯呢。呢度嘅紫菜飯仲加咗沙律醬，所以特別好味。可以自己落手整，仲可以當玩埋添。另外仲有個自助吧位置，可以任拎沙律泡菜同埋生菜。啲泡菜都幾好食我哋都添加左兩次。而且只要你烤肉就會有埋爐邊蛋，爐邊蛋入邊仲加咗啲泡菜，好好味呀。另外值得一提嘅係啲工作人員都好照顧我哋，只要爐黑咗少少，就會即刻幫你換過一個新，唔會影響燒肉嘅質素。