長阪燒 (已結業)

一步入餐廳，就見到好多日本清酒瓶既裝飾，天花板都掛滿日式燈籠、千羽鶴，好有日本居酒屋既特色。餐牌除左爐端燒，仲有沙律、小食、刺身、串燒、天婦羅、一品料理等，好多選擇。拖羅根沙律：拖羅根口感有D似燒香左既鰻魚，魚油味濃厚，配上清新既沙律，絕配。雲丹拖羅蓉山盛：一D都唔吝嗇，放左勁多拖羅蓉，仲有脆卜卜既三文魚籽、同埋鮮甜無比既海膽。千葉縣包菜三點盛：包括蟹肉、飛彈和牛、左口魚邊，用菜葉包住食，別有一番風味。活蠔(燒)：蠔夠新鮮，唔使加醬料都已經好鮮甜。釧路活海鰻：來自北海道既鰻魚，魚肉特別彈牙，魚皮煎得香脆。牛柳：肉汁飽滿，牛肉味勁濃郁。日本雞肉大蔥串：雞肉夾埋大蔥一齊燒，香口又惹味。免治雞肉棒：軟綿綿既雞肉，再加上美味既月見汁，滋味無窮。總結，師傅用心烹調每件食物，我哋品嚐左一餐美味佳餚。