龍亭

初嘗廚師發辦鐵板套餐，餐廳雖然係鬧市，但入到裡面就好似去左第二個世界咁，非常舒服寧靜。全部菜既用料同製作都非常高質: 將意大利黑醋撈勻沙律菜，菠蘿同蔬果都超級香甜，酸酸甜甜好開胃! 前菜有黑松露蛋白，蘭王蛋黃好深色特別深色，撈埋一齊食滑溜溜，黑松露味香。海鮮嘅部份就可以選擇兩款，我地選左白鱔、鮑魚、東星班、帶子，然後一齊分享，全部都好鮮味，啖啖肉。見住師傅即場煎同調味，所有食材都係煎得岩岩好，肉質非常嫩滑份量亦多。旁邊有一個蝶豆花泡沫，少少咸香更加提鮮！😜肉類每人可以選擇一款，澳洲牛柳粒，五成熟超juicy，配竹炭鹽，wasabi 同蒜片食都各有風味，其中我最鍾意竹炭鹽，簡直可提升層次。厚切黑豚扒，結實既肉帶有微微果香甜味，亦非常好味。最後有海鮮炒飯，豆腐昆布湯同豆腐雪糕。值得一提係豆腐雪糕上面有紅豆爆珠分子料理!非常有創意又新鮮!食得鐵板燒，當然唔少得要配酒，我地叫左支美人梅酒，好岩女士飲，甜甜的好易入口。