螢火

位於尖東嘅鐵板燒，對比起同類型餐廳呢度算係幾大，好多個師傅，一個師傅大約serve三至四個客，食物一碟一碟緊接住上，唔使等太耐~午餐選擇幾多，價錢都好合理，今次揀咗”星”午市套餐，$380/位!!🔘大蝦肉質彈牙，好香牛油味，食到蝦嘅鮮味，蝦頭都幾多膏~🔘汁煮白鱈魚肉質細嫩鮮甜，多魚油嘅魚，魚皮煎到香脆，配搭洋蔥湯，突然有種食緊法式料理嘅感覺~😝😝🔘帆立貝大隻北海道帆立貝，煮到大約八成熟，肉質一絲絲，再加上魚子醬點綴，相當好味，三款海鮮之中最愛係佢!! 🔘薄燒美國牛肉師傅會問你想要幾成熟，叫咗五成熟，肉質軟嫩，捲住蔥花同炸蒜一齊食好香口!! 🔘櫻花蝦炒飯粒粒分明嘅炒飯，櫻花蝦好鬼香，加上燶邊太陽蛋，一睇就知好味~ 😋😋 lunch set仲包左沙律、漬物、吸物同甜品，要提下個甜品係芝士味雪糕，係我鍾意嘅味道~食得出食材質素幾好，擺盆又靚，啱晒打卡，問咗師傅原來平日同假日都有lunch set，食lunch真係抵好多，呢日lunch鐵板燒嗰邊都full house，想有多啲私隱度有獨立房可以book，仲有呢度可以放電子版天燈許願，我畫咗好多個TATA♥️放上去😅😅～