The Pearl

呢度無論室內定室外，都有大量打卡位，非常適合影靚相。食物方面，前菜推介秘魯吞拿魚拌蕃茄莎莎，配上香烤鱈魚脆片同黑醋汁，酸酸甜甜，開胃一流。蒜片橄欖油封大蝦配佛卡夏多士，口感豐富，香氣四溢，配得恰到好處。主菜方面，和風原隻璣煮鮑魚配野菌意大利飯，鮑魚鮮嫩，意大利飯夠creamy，真係一種新鮮嘅風味！隻鮑魚仲要好大隻。另外慢煮西班牙黑毛豬鞍架都絕對唔可以錯過，肉質嫩滑，口感極佳，真係令人垂涎三尺！飲品方面，Cocktail「Pearadise」真係令人感到驚喜，梨味清新，酒精度適中，適合怕太濃酒精嘅朋友。而如果鐘意Mocktail的話, 可以嘗試「Rosy Romance」，以凍泡玫瑰茶同新鮮蘋果汁調配，甜而不膩，特別清爽。