影片
更多
2022-06-09
1651 瀏覽
同朋友慶祝生日不外乎都係食個啲嘢，呢間邊爐店真係聚會首選❤️🔥 請聾啞人士做員工嘅良心社企、極佳服務、雖然係兆萬入面嘅舖頭，但依然光猛乾淨整齊闊落、唔收切餅費、仲要抵食又好味😋 真係唔知有咩可以挑剔🥹💛成人任食火鍋兩小時 ($288，加一，加$18醬油費，睇星期幾同埋Openrice訂座而有唔同嘅折扣優惠）湯底嗌咗四川麻辣🌶拼豬骨濃湯🦴 由於係雙拼嘅關係，個鍋Total要加$20。麻辣湯底辣得過癮，開頭比啲椒浸耐啲，等佢出下味，湯底本身有嘅配料例如雲耳、豬皮、豆卜非常入味！食完之後個鼻即刻通一通😂 落啲菜去索曬啲辣仲正🥵 而豬骨湯底建議可以一開頭潷碗湯嚟飲！又清又好飲😋呢度嘅嘢食係用Ipad落單，比其他火鍋店唔同嘅係，佢有半份/一份揀，或者某啲食物會係3粒/6粒揀，咁樣就可以比大家試下啲嘢食先，又唔洗嗌太多而嘥嘢食👻 嚟嘢嘅速度都快而齊👍🏻👍🏻👍🏻一嚟就嚟咗個海鮮拼盤🦐 有魚、蝦、蜆，全部都好新鮮，蜆仲encore咗好多次，完全冇沙😋👍🏻 仲有一個係贈送嘅頂級牛頸脊，上咗湯底一陣就有🐮 見到啲紋都幾靚😳 (不過太多frd 一齊搶😈 未試到個味就冇曬😭) 其他嘢食都好新鮮，餃子包得好實，
💛成人任食火鍋兩小時 ($288，加一，加$18醬油費，睇星期幾同埋Openrice訂座而有唔同嘅折扣優惠）
湯底嗌咗四川麻辣🌶拼豬骨濃湯🦴 由於係雙拼嘅關係，個鍋Total要加$20。麻辣湯底辣得過癮，開頭比啲椒浸耐啲，等佢出下味，湯底本身有嘅配料例如雲耳、豬皮、豆卜非常入味！食完之後個鼻即刻通一通😂 落啲菜去索曬啲辣仲正🥵 而豬骨湯底建議可以一開頭潷碗湯嚟飲！又清又好飲😋
呢度嘅嘢食係用Ipad落單，比其他火鍋店唔同嘅係，佢有半份/一份揀，或者某啲食物會係3粒/6粒揀，咁樣就可以比大家試下啲嘢食先，又唔洗嗌太多而嘥嘢食👻 嚟嘢嘅速度都快而齊👍🏻👍🏻👍🏻
一嚟就嚟咗個海鮮拼盤🦐 有魚、蝦、蜆，全部都好新鮮，蜆仲encore咗好多次，完全冇沙😋👍🏻 仲有一個係贈送嘅頂級牛頸脊，上咗湯底一陣就有🐮 見到啲紋都幾靚😳 (不過太多frd 一齊搶😈 未試到個味就冇曬😭) 其他嘢食都好新鮮，餃子包得好實，冇爛皮🥟 魚皮有多款口味揀，避風塘炸魚皮正👍🏻😋 好脆，就咁食都唔會好寡❣️ 其實樣樣嘢都好正👍🏻👍🏻 出面有嘢飲同少量甜品
店員好細心，上碟同執嘢嘅速度都好快，無論係聾啞人士定係其他店員都好有禮貌(我哋拎起遠少少嘅碟比佢，佢會用手語講唔該) 而叔叔(我估係店主?)同埋靚仔年輕店員都好fun😎 發生咗件趣事哈哈😂😂 佢哋仲有主動問我哋幫手揸機影相📸️ 中間都有傾咗陣計👍🏻 超開心嘅體驗，有機會一定再嚟🥳
張貼
