點鍋

喺OpenRice見到零負平，心思思想試吓，揀咗自己生日嘅夜晚，同老公一齊試一試呢間任食火鍋。因為係平日夜晚，餐廳入面唔多人，我哋坐嘅位置近窗口。本來諗住任食打邊爐嘅餐廳，梗係污污糟糟、成地黐立立，餐廳入面用白燈之類。但唔止我哋自己張枱，望過四周嘅枱，全部都保養得好好，超乾淨，唔污糟。店員非常有禮，成間餐廳嘅氣氛定我覺得意外地舒服。食物種類好多，而且全部高質，而且最令我開心，係可以好仔細地揀份量。因為我哋兩個人去打邊爐，最頭痛就係啲嘢一嚟太大碟，我哋食唔晒。而呢度嘅份量啱啱好，好適合一、二個人去打邊爐。佢哋嘅炸魚皮、響鈴、腐竹等等，全部都係即刻炸，然後攞過嚟。攞到過嚟嘅時候，啲食物仲因為啱啱喺炸爐拎上嚟，有啲滾油嘅吱吱聲！呢幾款食物都非常脆口！另外佢有啲熟食，可以做餐前小食。我叫咗豬手，入味得來唔太鹹，豬皮滑捋捋！我哋試咗胡椒豬肚湯底同埋蟲草雞湯底。胡椒豬肚湯底有啲味精感覺，但蟲草雞湯底不得了，好重藥材味同埋啲雞好滑！下次我會想試吓黑松露雜菌嗰個湯底。有得攞嘢飲之餘，仲有雪糕。雖然嘢飲款式唔算好多，但想要嘅都有，例如可樂佢有可口可樂同百事可樂。另外仲有啲對抗熱氣嘅冬瓜茶同埋涼粉類飲品，實在係難得嘅貼心！…查看更多

食品新鮮好味，特別係咸蛋魚皮，新鮮即制，非常香趣，環境整潔舒適，比較連鎖火鍋店更出色，非常推介，員工服務態度良好，今時今日呢個價位食到咁既質素，絕對值得大推👍🏻…查看更多

已有一段時間沒有來, 今次再來依然保持一貫水準, 火鍋湯底足料及配料都是有品質保證！今日試咗皮蛋芫茜湯底同埋海鮮喇沙湯底用料豐富, 非常美味！必試炸魚皮, 手切牛肉同埋手打芝士丸！海鮮如蝦, 蜆及鮑魚都很新鮮！他們有聘請聽障人士, 服務非常好沒有溝通問題！是一間值得推介的火鍋店！任食火鍋仲包埋嘢飲同雪糕, 價錢約300蚊一位！需限時兩小時但係我們七點鐘去到坐到十點都沒有要求我們提早埋單或離開！今次去發現少咗很多人幫襯, 希望大家支持小店！…查看更多

在旺角區食火鍋，間間都差不多。但呢間勝在服務好，食物和海鮮很新鮮，地方闊落。可惜地方有少少隱蔽，路過都未必見到，但對於唔想等位排隊嘅我，又喜歡火鍋嘅我，呢間一定首選。…查看更多

夜晚心血來潮想去打邊爐，諗住試間未試過嘅火鍋店就誤打誤撞搵到呢間。今次就俾我試到呢間有質素嘅火鍋店今次叫左個鴛鴦湯底，分別係胡椒豬肚湯同黑松露雜菌湯，湯底超夠味，勁足料！特別係黑松露雜菌湯，食到中後段時間變左一個似西餐湯嘅感覺食物方面，蜆類好大粒啖啖肉，新鮮！本人一向都鐘意打邊爐食丸同餃，呢度真係有唔少選擇，而且係好食😋不過如果鐘意食牛嘅朋友可能就唔算太多選擇。另外炸魚皮都係推介👍🏻最後點埋個出前一丁麵配上黑松露個湯底，超好食！食到中段先知呢度員工係聾啞人士，所以更加欣賞呢間火鍋店～～誠心推薦呢間火鍋店！坐得舒服又好食！佢地值得有更多人幫襯😁…查看更多

火鍋湯底同食物款式多我地食雙拼鍋 壽喜燒拼蟲草花煲雞食食下先知，原來餐廳仲會贈送海鮮拼盤及冰鎮鮑魚又抵食，7點前離座仲有七折環境闊落，仲有私家廁所好乾淨值得下次再嚟！…查看更多

有時同朋友行完街，唔知食咩又想坐耐啲嘅時候，就會想嚟呢度。上次去完尖沙咀行街都過返嚟呢度今次去完尖沙咀又係過返嚟呢度諗住食肉，就想打邊爐想打邊爐，就諗起呢度出菜快，質素又唔算差，份量又好多😂有是叫半份都比一份過嚟又無限時，又請咗啲特殊人士，佢哋都好勤力做野又快，呢度真係同朋友食飯傾計嘅最佳選擇。真係好鍾意嚟呢度，希望可以繼續維持吖💪🏻💪🏻…查看更多

朋友揀左呢間打邊爐，一開頭睇到地址係兆萬，就有感覺伏伏地，但既然朋友揀左，就去睇下。可能時間太早，一枱人都無，都照入去啦。由於入去之前都有睇到呢度員工係聾啞人士，所以呢點都會加分。我地先揀左胡椒豬肚湯底，其他食物再用手機落單。豬肚同胡椒味一般般。入坐跟一個海鮮拼盤。由於太肚餓，落剩啲蝦先記得影相。其實係有帶子，蝦，鮑魚同蜆。除左蜆無乜味道， 其他三種都係正常。而牛就係一般既肥牛，同一般放題打邊爐差不多，頭一轉牛係好啲，之後呢...最值推係金沙魚皮，即叫即整，香脆而環境係闊落既，裝潢就地道啲。要比較美觀既環境就未必合適。…查看更多

前日放完工同朋友冇嘢做，諗住去旺角劣食之塔兆萬試伏🤣，一搭完扶手電梯上二樓，就見到有間火鍋店，但係竟然晚飯時間七點鐘裏面一枱客都冇😨，非常清靜，但係我朋友話佢之前食過覺得ok，又見佢做緊85折優惠，咁就入咗去試下啦🤣入到去真係一枱客都冇，一開始都少少驚中伏，湯底都有唔少選擇，我哋就揀咗胡椒豬肚湯底，當我哋想叫員工過嚟落單嗰陣，嗰員工原來喺聾啞人士😢，之後老細同我哋講原來呢間鋪係專請啲聾啞人士嚟做，真係一間良心小店😭啲嘢食都好出乎意料好食，胡椒豬肚湯入面有勁多豬肚，胡椒味重，雖然打邊爐一定要食嘅肥牛呢度得普通肥牛，但係呢度嘅手打丸同餃子真係好好食，特別係個黑松露蝦蟹餃真係好好食😋😋見到佢咁少生意真係覺得好可惜，下次一定會再嚟食😋🤣…查看更多

平日去咗兆萬食呢間，唔使排隊就有得入去 本身諗住都係普普通通打邊爐料，所以就是但咩都嗌咗啲嚟試吓。 肥牛同埋羊肉都唔差，最出色一定係牛丸、湯圓、炸枝竹。牛丸非常之多汁食落去好Juicy，而湯圓應該係我咁大個人食過最好食嘅，呢兩樣嘢下次去都一定會encore。至於炸枝竹響鈴嗰啲全部都係即刻炸上到枱都仲脆嘅。 仲送一個人頭份量嘅海鮮拼盤，有鮑魚，帆立貝同埋蝦。鮑魚非常好食。 食到一半嗰陣發覺上菜好似有啲慢，點知原來係個朋友唔記得撳落單制，一落返單啲嘢就即刻上返晒嚟，菜嗰啲都算多選擇嘅，油麥菜啊，菠菜嗰啲都有。總括嚟講呢間嘢都幾抵食，算係兆萬入邊嘅清泉，平日仲有八折，所以一定會嚟再encore。…查看更多

久唔久就會想打邊爐諗起呢間喺旺角兆萬嘅邊爐放題🍲一兩年前都嚟過幾次，覺得都🆗所以又嚟幫襯咁耐無嚟加咗少少價💰但都同坊間邊爐放題價差唔多餐廳睇落尚算乾淨✨但成間鋪有少少噏味，有啲扣分👎🏻餐廳醬料都好齊好開心佢有荽茜荽茜控至愛💚野飲種類唔算好多唔似大型連鎖鋪有手沖茶🍵但盒裝茶﹑汽水個啲都會有🧃仲有少量日﹑韓罐裝飲品湯底方面都有幾多選擇都係啲大路港式湯底雙拼要加錢💰今次揀咗四川麻辣湯底🌶️特別叫咗小辣但注意個湯底係會越滾越辣嘅🌶️🤣🌶️🤣湯底好快嚟到💨入面本身有好多料有辣椒﹑芽菜﹑豆卜﹑豬皮等等（雖然最後無點食到😂）入座會按人數送海鮮拼盤有蝦﹑鮑魚﹑蜆﹑帶子🦐蝦同帶子都幾鮮甜😋食物方面真係有太多野揀各種肉類﹑特色丸類﹑餃子﹑蔬菜…🍖🥟🥬特別推薦嘅係佢嘅蟹柳🦀同埋自家製，即叫即炒嘅金沙炸魚皮🐟熱辣辣又勁脆超級惹味👍🏻👍🏻👍🏻總結:如果喺旺角附近臨時想過下邊爐癮﹑同朋友吹下水💦都可以一試但如果想食啲精緻少少嘅特色邊爐放題對餐廳環境有少少要求或者約女仔👫呢到就唔太適合了…查看更多

兆萬中心又名「勇者塔」、「劣食之塔」，入面好多餐廳都係一個令人難忘嘅艱鉅任務，而要喺勇者塔入面全身而退。其實都係有一個安全嘅選擇，經本人真人打塔實測過真係安全無伏！點鍋雖然係一間任食火鍋，但佢哋嘅自家制食物好有質素！同埋佢係一間有聘請聾啞人士做員工嘅良心社企餐廳👏🏻👏🏻👏🏻員工都好勤力爽手，好值得支持。環境相對比較清靜同乾淨企理，特別有種恬靜同和諧感我去嘅時候入座即送升級海鮮拼盤，入面包括有鮑魚、帶子、大蜆同鮮蝦！新鮮甜美無沙湯底勁多款，我哋嘅鴛鴦鍋湯底要咗豬骨濃湯拼冬蔭功，兩款都足料又夠味~豬骨濃湯大大舊骨湯底鮮甜，冬蔭功酸而不太辣好提神~食物都有幾多唔同款式，推薦必試佢哋幾款自家出品餃子（犢別係黑松露蝦蟹餃，大粒好香黑松露味，食落好鮮又夠曬爽）丸，滑類同炸魚皮，手工紫菜響鈴卷都好食！encore 咗幾 round 先夠喉🥰仲有自助飲品中同雪糕，大滿足…查看更多

無諗過喺旺角夜晚都可以搵到間唔過$300嘅邊爐，真心正而且湯底同食物都好高質先講湯底，嗌咗豬骨濃湯湯底，真材實料，真係有大大舊豬骨同蘿蔔熬，飲落好清甜所以飲左兩碗先開始打邊爐而任食嘅食材選擇都好多同好高質，先有一盤海鮮拼盤，另外再用二維碼嗌食材，要留意部分熟食要額外收費。而食材方面，特別係蝦滑同手工餃，值得一試，而侍應上菜同加湯都好快，食得好盡興抵讚另外，無限時任飲任食，仲唔趕人走，真係好啱同朋友吹水。值得推介…查看更多

環境坐得舒服 飲品選擇都好多 醬料自家醬油都好味食物質素貴精不貴多 海鮮新鮮 蜆好大隻最值得一讚嘅係有個男服務員服務態度非常之好 令我印象最深刻係我拎紙巾出來用 佢隨即拎左一大包紙巾過來比我地用呢啲服務態度係香港買少見少…查看更多

見到網上好多好評，加上朋友推介，決定一試。老實講去到門口，裝修係十分簡單，餐廳唔多人，連接商場既位置，係會有少少卻步。不過最後決定一試，結果充滿驚喜！揀左兩個湯底 ，胡椒豬肚湯+ 喇沙海鮮，兩個湯底本身十分足料！海鮮湯有海蝦、青口、蜆，鮮甜！食料部分都係任食（掛住食野無影好多相😅） 相對肥牛，其他食料更好食！ 如果無期望要食靚牛，就唔好揀呢間，但如果你想咩都試下，絕對可以考慮呢間，淨係炸魚皮都3、4款比你揀！（咸蛋黃魚皮好食！）手打丸都大推，每人約$300 ，由於店內唔多人，所以唔會絕你走，成餐都係無漏過單，份量比足曬，而且服務態度勁好！絕對會再食！…查看更多