點鍋

營業中

休息中

夜晚心血來潮想去打邊爐，諗住試間未試過嘅火鍋店就誤打誤撞搵到呢間。今次就俾我試到呢間有質素嘅火鍋店今次叫左個鴛鴦湯底，分別係胡椒豬肚湯同黑松露雜菌湯，湯底超夠味，勁足料！特別係黑松露雜菌湯，食到中後段時間變左一個似西餐湯嘅感覺食物方面，蜆類好大粒啖啖肉，新鮮！本人一向都鐘意打邊爐食丸同餃，呢度真係有唔少選擇，而且係好食😋不過如果鐘意食牛嘅朋友可能就唔算太多選擇。另外炸魚皮都係推介👍🏻最後點埋個出前一丁麵配上黑松露個湯底，超好食！食到中段先知呢度員工係聾啞人士，所以更加欣賞呢間火鍋店～～誠心推薦呢間火鍋店！坐得舒服又好食！佢地值得有更多人幫襯😁