SuperNormal (淘大商場2期)

營業中

休息中

最近睇YouTube好多人介紹呢間西餐廳，經過見到價錢有幾平，而且仲有我最鍾意食嘅豬手，就一早去試吓啦。呢度嘅豬手拼盤有四種味道，而且仲送一杯啤酒，我就覺得啤酒同豬手真係好夾。我認為避風塘同黑椒味最好食，因為辣辣地咁，調味做得好好好，而且豬手唔會太鹹，個皮仲好脆。另外我哋仲叫咗嗰個冬陰功大蝦意粉，隻蝦好大隻同埋新鮮，而且辣辣地咁好開胃，意粉就係比較硬嘅意粉，但係口感都好好，平時唔食辣嘅朋友都忍唔住食咗好多。呢度除咗價錢平之外，份量都好多，而且服務態度好好，同埋佢有得坐喺出面環境同氣氛都好好。