Chef's Stage Kitchen

營業中

休息中

聽朋友講將軍澳海濱附近開咗唔少有情調嘅Cafe，今日就嚟到呢一間位置方便，好近將軍澳地鐵站嘅Chef’s Stage Kitchen。餐廳嘅室內設計好有情調，好啱假日放工嘅時候同朋友家人來放鬆一下。秘製美國炸雞翼及炸車打芝士無論係雞翼同埋車打芝士嘅外皮都炸得非常鬆脆，配上兩款秘製嘅醬汁，能夠將雞翼同埋車打芝士嘅香味帶出黎。切開香脆嘅外皮，就可以見到拉絲嘅車打芝士，真係好邪惡。初榨純橄欖油蒜香白酒煮紐西蘭海鑽蜆扁意粉口感一流嘅意粉配上肉汁鮮美嘅紐西蘭海鑽蜆，味道嘅層次好豐富，每一啖都食得出濃郁嘅蒜香同埋白酒嘅香醇。而且份量亦都好足夠，好啱一家大細朋友之間分享。炭燒美國極黑豬鞍扒拼香草牛油焗波士頓龍蝦尾呢一度菜式可以一次過滿足你幾個個願望。啖啖肉嘅炭燒極黑豬鞍扒肉質鮮嫩，感覺唔會油膩，散發出一種獨特嘅鹹香。加上大大隻嘅波士頓龍蝦，食落彈牙鮮甜。菠蘿班蘭飲品呢一杯特飲啱晒鍾意食斑斕甜品嘅我。果一種斑斕獨特嘅香味，估唔到可以同菠蘿飲品配合得咁好。士多啤梨香蕉朱古力呢一杯嘢飲都令人好驚喜，香蕉同埋士多啤梨嘅果香完美融合咗係朱古力內。飲落令人個口入面充滿清新嘅衝擊。