影片
更多
2017-09-04
2716 瀏覽
睇到好多關於呢間難得的九龍城西餐廳好評推介，呢日星四放工決定兩人去試一試，果然打破「九龍城非泰菜餐廳莫屬」既印象！位於打鼓嶺道既小店，聽落位置好似好偏遠咁（純屬因為打鼓嶺好似係好凍既地方..），當然此打鼓嶺非彼打鼓嶺，我地係富豪酒店落車後行2﹣3分鐘就到。小店內有約6張4人枱，深橙色既牆身配白色既枱凳，柔和既光線，氣氛相當不錯。深黑枱布上鋪了一大張白色墊枱紙，令人感覺十分潔淨（大白紙既成本應該高過坊間印左色既A3紙，style當然完全唔同；環保角度黎講比印左噴墨既紙好少少...relatively）。我地二人見到隔離情侶既青口非常大隻！好吸引！當然要跟機試下！另外主食就叫左US Prime Sirloin 同Pepperoni pizza。order完店員攞左D麵包黎，望落相當普通既芝麻同蒜蓉包，但輕輕擦上牛油已好香，本人尤愛芝麻包，香得黎做到外脆內軟，好好味！＊白酒煮New Zealand青口：我唔知點形容，真係好．大．隻！小妹未食過手掌咁大既青口，相當之興奮影左好多相～一碟有十隻大大青口，有白有紅，白既係公，肉質較結實，啖啖肉十分滿足；紅既係乸，好有‘膏’味，竟然好似食蠔咁有cre
位於打鼓嶺道既小店，聽落位置好似好偏遠咁（純屬因為打鼓嶺好似係好凍既地方..），當然此打鼓嶺非彼打鼓嶺，我地係富豪酒店落車後行2﹣3分鐘就到。小店內有約6張4人枱，深橙色既牆身配白色既枱凳，柔和既光線，氣氛相當不錯。深黑枱布上鋪了一大張白色墊枱紙，令人感覺十分潔淨（大白紙既成本應該高過坊間印左色既A3紙，style當然完全唔同；環保角度黎講比印左噴墨既紙好少少...relatively）。
我地二人見到隔離情侶既青口非常大隻！好吸引！當然要跟機試下！另外主食就叫左US Prime Sirloin 同Pepperoni pizza。order完店員攞左D麵包黎，望落相當普通既芝麻同蒜蓉包，但輕輕擦上牛油已好香，本人尤愛芝麻包，香得黎做到外脆內軟，好好味！
＊白酒煮New Zealand青口：我唔知點形容，真係好．大．隻！小妹未食過手掌咁大既青口，相當之興奮影左好多相～一碟有十隻大大青口，有白有紅，白既係公，肉質較結實，啖啖肉十分滿足；紅既係乸，好有‘膏’味，竟然好似食蠔咁有creamy既口感！白酒煮既時間控制得好好，完全唔會有過火既苦味，岩岩好揮發到酒既香，加上忌廉、蒜片、香草葉，同青口煮出黎既汁一齊淋落青口肉一齊食，鮮甜無比！作為頭盤既佢真係滿分啦..仲好飽滿添（我食左4隻收手，因為仲有其它野～）
白酒煮NZ青口
$178
51 瀏覽
0 讚好
0 留言
35 瀏覽
0 讚好
0 留言
34 瀏覽
0 讚好
0 留言
＊Bacon&Pepperoni Pizza：一開四既8寸pizza，用既係簿餅底，雖然size唔大但鋪滿厚厚既pepperoni & cheese，都幾heavy既pizza，呢個份量2個人分岩岩好。餅底有一角燶左少少，所以個底有少少乾，不過overall都係expected既好味道。
Bacon&Pepperoni Pizza
37 瀏覽
0 讚好
0 留言
＊US Prime Sirloin (10oz)：好靚既格仔紋，邊上既肥膏去左，唔會食到成口油；我地叫左5成熟，不過口感似7成，幸好仲夠嫩同有鎖住肉汁，唔錯！配扒既mustard唔係辣既果種，有好香既mustard味，一下子就過既辣勁，我覺得味道唔夠咸，所以另外要撒D海鹽好味D。拌碟既薯蓉幾滑，好香牛油味 所以偏軟身，不過本人偏好粒狀D既薯蓉，口感會更好。
US Prime Sirloin
$298
34 瀏覽
0 讚好
0 留言
41 瀏覽
0 讚好
0 留言
＊甜品Apple Crumble：呢款apple crumble好簡單咁純用瓷器裝住蘋果粒同牛油脆脆去焗，無tart底／無餅底，但亦有佢既特色！蘋果雖用肉桂煮過但肉桂味唔會太濃，蘋果每一粒都好甜，而且係蘋果果種甜（唔係單靠加糖）；焗完既辣生果仲會出水同變酸，但呢個apple crumble濕度剛剛好，香甜之餘配上牛油脆脆，配搭得好好～ 簡單既甜品反而更感受到製作既心意
Apple Crumble
$48
44 瀏覽
0 讚好
0 留言
店員服務殷勤，不停加水之餘亦不會push你食呢樣果樣貴野，對我呢D貼地氣既食客黎講完全唔會有食高級西餐廳果種尷尬既感覺，反而好warm咁同你傾下計，問下你鐘意邊樣多D，又或者問下你知唔知加左D乜野，睇得出佢地都好proud of 自己既食物！
誠意推介Pavia～ 食飯唔一定係旺角尖咀油麻地、灣仔中環銅鑼灣既！（好似押韻），呢一晚都食得好滿足、舒服。如果有時間會繼續發掘各區小店同大家share！
﹣﹣﹣﹣﹣唔知點解以下圖片插唔入文字度，唯有放呢度啦﹣﹣﹣﹣﹣
28 瀏覽
0 讚好
0 留言
22 瀏覽
0 讚好
0 留言
（連餐具都刻上餐廳名，魔鬼在細節～）
張貼
