La Barra Tapas Spanish Restaurant

營業中

休息中

平時路過見到哩間經常滿座，於是吸引到我前來一試。當日分別叫咗幾款菜:Mushroom and Crab Croquetas松露蘑菇同蟹肉可樂餅，哩個炸得非常香口，咬落去外脆內軟。Gambas al Ajillo西班牙蒜油蝦，一小碟蒜油蝦再搭配幾片多士，拮一嚿蝦再將蒜油搽落多士，然後一啖咬落去！口感豐富，蒜油味岩岩好唔會太重，蝦咬落彈牙，成個配搭唔錯。Hanger Steak西班牙封門柳，哩碟真係我最期待，因為我好鍾意食牛，不過上菜其實係有一下期望落空，因為太細碟。首先肉味重，加分！然後口感嫩滑，有咬口，夠哂，哩碟係出色嘅牛，有機會我要自己食哂成碟。Seafood Paella西班牙海鮮飯，哩碟飯啲海鮮大大隻，好足料，加啲檸檬汁，成件事就唔膩喇。Churros西班牙油炸鬼，即叫即炸，上到枱熱辣辣，都係咬落去非常鬆脆，令人食唔停口。哩間舖我覺得係可以用麻雀雖小，五臟俱全嚟形容。舖頭唔大，但有氣氛。人手唔多，但好周到。喺一間小店入面用到咁優惠嘅價錢，食到咁高質素嘅美食，真係好高性價比。