牡蠣小屋

營業中

休息中

星期五當然happy Friday，同同事食餐好。揀咗呢間日本料理。我哋都鍾意食蠔，所以揀咗兩款蠔嘅料理。我哋叫咗燒生蠔，生蠔用鐵盒裝住，然後餐廳就會幫你燒熟啲蠔。啲蠔好大隻，而且燒到好香，基本上唔駛任何調味，已經食得出蠔嘅鮮味。大大隻好滿足！鐵盒燒生蠔可以加錢加芝士，我哋加咗一半，滋味香濃。之後叫咗個熱辣辣嘅日本生牡蠣鍋。之後又係非常新鮮，放落個熱鍋度煮一陣就可以。大約1分鐘就最理想。保持到生蠔嘅鮮味。除咗蠔之外，仲叫咗串燒牛舌及雞軟骨。兩串都非常爽口，燒得唔錯。見到仲有壽司。散叫咗8件拼盤壽司🍣壽司都唔錯，件件都新鮮抵食！兩個人叫呢幾樣嘢非常滿足，樣樣都好味！