HIKARI

好多餐廳試一次覺得唔好食就會永久black list，之前食過Hikari覺得唔錯，值得一訪再訪，今次同另一個朋友再去食。主要都係食意粉、Risotto或者鋸扒，今次就主要食Risotto。八爪魚西班牙飯八爪魚份量相當多，有一大條觸鬚，肉質好彈牙！而西班牙飯亦都好有西班牙風味，米煮得比較爽口，加埋西班牙腸一齊燴，好香好惹味！泰式油甘魚鮫油甘魚鮫相當多肉，魚肉亦都好嫩滑，加埋泰式醬汁幾清爽，唔錯！抹茶鮮奶抹茶味好濃厚，唔算好甜，朋友覺得唔錯！青檸梳打有青檸香味，夠晒解暑。咁啱夜晚仲有歌手唱live，幾好聽，好有feel呢！