家賀屋刺身寿司專門店

太耐冇去日本，好掛住日本菜，所以要同朋友喺香港食返啲高質素嘅日本餐廳。今次就同朋友一齊去食家賀屋 食日本菜。蘋果燒酎-充滿果香，容易入口，適合女孩子飲 生蠔半打-九洲日之雪花蠔，法國聖馬天尼生蠔，西班牙特級銀堡壘生蠔-好新鮮，一啲都冇腥味，其中最欣賞九州花蠔，九洲花蠔係三款生蠔中最飽滿嘅，入口creamy，鮮甜 清酒牛油煮蜆 -喺其他餐廳食，通常都係清酒煮蜆，但家賀屋加上牛油，令成個菜式增添香味，清酒同牛油相互配合，帶出蜆既鮮味， 好出色！ 特選鮪盛 -總共有三款拖羅，大、中、赤身-大拖羅好厚身，入口即溶，油脂分布平均，好香油脂味 -赤身雖然冇咁肥，但係新款之中，最濃魚味！ 彩虹壽司卷 -餐廳嘅魚生都好鮮甜，當中最推介係帶子同左口魚 冷稻庭手打烏冬 -手打烏冬口感煙韌，配上餐廳特調嘅烏冬汁，份外清爽