宴 尖沙咀

收工之後我同同事決定嚟呢度食放題放鬆吓。我哋揀咗呢度嘅松餐火鍋放題，湯底是醬油湯拼豬骨湯，所有食物任拎任食，放題配料有胡麻、醋同豉油。一開始先嚟🐟刺身拼盤🦐作爲開胃菜，每款刺身都好新鮮，尤其係牡丹蝦肉味道更加係鮮甜爽口，激發咗我嘅食慾。我好鍾意食呢度嘅🥩特上宮崎和牛🥓，牛肉味好濃郁，肉質鮮紅、脂肪分佈平均，口感都比較有咬口，少少甜味，鮮嫩多汁，絕對係頂級嘅和牛。呢個套餐連🦀松葉蟹🦀都可以任食，松葉蟹喺日本係一種好受歡迎嘅食材，煮熟之後會呈現鮮豔嘅橙黃色，雪白嘅肉質鮮美嫩滑，口感清香鮮甜，仲帶有少少海鮮嘅甜味，正！鍾意食菜嘅我揀咗🥬野菜拼盤🍄‍🟫，入面有菇類、豆腐同埋小白菜，豆腐口感軟嫩，小白清新鮮爽解膩，啲菇吸咗啲湯汁之後口感好好味，鮮甜可口。總括嚟講，呢間餐廳嘅松餐火鍋放題性價比高，因為環境好舒服，每樣食物都係頂級食材，我哋都食得好滿足。